(BREAKING NEWS) Chin Ramkulh Zung Lutlai Hna Cu Ralkap Nih An Thlah Thaan Cang Hna.

Chin Ramkulh Thimnak Zung riantuantu lutlai hna cu ralkap nih an thlah than cang hnaLawmh a um kho tak tak si. Mipi thlacamnak piak nak thawng in Chin Ramkulh Thimnak Zung riantuantu lutlai hna cu ralkap nih an thlah than cang hna.Chin Ramkulh Thimnak Zung riantuantu lutlai hna cu February thla hramthok lei ah ralkap nih an rak tlaih hna hi a si.

Thla khat hnu, a tuni March 17 ah an thlah than cang hna, tiah kan theih. Myanmar rampi huap in Thimnak Zung lutlai tlaih mi hna zong an dihlak in Ralkap nih an thlah than dih cang hna.


Crd- The Hakha Times.

RELCHAP : KIA Nih Ralkap Um Nak Hmunhma An Khuarnak Pakhat Cu Fak Taktak In An Kah Hna I An Thekdarh Viar Hna : A ni peh in Kachin ralkap KIA le Myanmar ralkap pawl cu Kachin ram chung hmun kenkip ah an i doh zungzal i, an boruak a sosang taktak. Ralkap cu rampi ralkap an si tikah an thazang a tamih an ralthuam a tha nain, KIA pawl nih an i manh lo lio bak ah an i sel hna i an sakhan pakhat an lakpiak hna.

Tuini March 15 zingih KIA cawlcangh nak hmun cu Kachin ramkulh Hugawng ram, Warazup khua pawng i ralkap sakhan pakhat ah a si. Ralkap pawl i hngilh lio zinglei nazi 2am hrawngah KIA nih cun ralkap pawl umnak hmun cu ralrin lo lio pi ah an kah thluahmah hna i khat le khat an i doh thluahmah.

An pawngkam khua pawl zong nih meithal awn mi le a puak kho mi an rak theih i zinglei nazi 2am in i doh an thik mi cu, zinglei nazi 5 lawngah meithal le a puak kho mi vialte kha a reh cang tiah an chim. An i doh nak ah KIA a tangrual tuk mi cu ralkap nih umnak hmun an chuahtak phah tiah Kachin thawngpang nih cun a langh ter.

 

 

 

Be the first to comment

Leave a Reply

Your email address will not be published.


*