AUNG SAN SUU KYI DIRHMUN AN VUN LANGHTER CU A BUAI KO

February nikhat ralkap uknak an lak lio in rak tlaihmi rampi ruahnak petu Daw Aung San Siu Kyi nih a tu thlali leng a liam cangmi caan chungah thilhruk aih ding le eidin ding a harsat ruangah bawmh dingin june thla ni 7 zung an auh lio ah a SIHNI pawl a chimh hna. Daw Aung San Suu Kyi telh in amah sin aum mi eidin awk caah Naypyidaw ah a ummi SIHNI pawl nih kan hnuzarh ah Palek sinin phaisa ting 50 an pek nain an cohlang hna lo tiah Daw Aung San Su Kyi SIHNI si mi U Khin Maung Saw nih RFA sin ah a chim.

Atu bantuk in phaisa kuat a ngah lo kong a chimnak cu Daw Aung San Su Kyi nih amah tein a umnak kong kha thei hna seh ti a duh caah asi. Mah hnu zong ah bawmhnak pek ding in an chimh ko nain zeihmanh bawmhnak kan cohlang lai lo tiah U khin Maung Saw nih a chim. Bawmhnak a herhnak kong Daw Aung San Su Kyi nih a chim hnu in rallokap lei nih bawmh dingin an timhtuah nain Daw Aung Su Kyi nih a cohlang lo tiah a SIHNi pawl nih an chim.

June thla ni 7 zung an auh hnu ah Daw Aung San Su Kyi i a SIHNI pakhat si mi U Kyi Win nih fang le chiti telh in eidin dang pakhat kha Daw Aung San Suu Kyi sin ah a va chanh nain kutkhih dingin phaisa a va pek tik ahcun Daw Aung San Su Kyi inn hngak tu pawl nih an don lo ruang ah cu phaisa cu a tutiang Daw Aung San Su Kyi kut a phan rih lo tiah U Kyi Win nih a chim.

Rampi dirhmun in hruaitu pakhat si mi atu bantukin eidin le thil hruk aih nak tiang in rikhiah piak hi a si awk si lo mi thil a si ruang ah Daw Aung San Su Kyi caah kan thinphang ngai tiah ralveng tu a min langh ter si lo mi NLD chungtel pakhat nih RFA ah a chim. Uknak latu rallokap pawl nih Daw Aung San Su Kyi cu Upadi pohmah 8,67,505ခ , 124 i pohmah then a,25, 55 tel in a dihlak pohmah 7 in sual an phawt i atu sual an phawt mi dihlak hi thlaruk chung ah check ding in rallokap pawl nih timhtuah nak an ngei.

Sual phawtmi pasarih chung ahhin pohmah 124 he a pehtlai mi sual phawtmi hi atu Yangon ah an check lio si i a dang paruk hi cu Naypyidaw Sakutadi myone i sualphawt nak sakhan ah zarhchiar nikhat ni le nihnih ni poh ah an check lio pi a si. President U Win Myint le Daw Aung San Su Kyi telh in a dang hrualtu pawl zong ralkap pawl nih sualnak ngei lo in an tlaih hna i pohmah a phunphun in sual an phawt hna nak kong cu NUG nih june thla 16 nizaan ah khan a chim. Cu lawng si lo in rampi uknak cu ralkap pawl nih hriamnam bochan in uknak an lak nak kong,rampi nih theihpi mi uknak a si lo kong, ralkap pawl nih an dirh mi biaceih zung pawl zong rampi nih theihpi mi zung an si loh tiah NUG a cozah pi nih a chim. Credit: TCP

A Free Woman | The New Yorker

Relchih:Thawngpang ttha taktak a chuak. Kan Gyi Thauh peng I Saya/ Syamah minung 30 CDM ah an lut. Ayeyarwady region Kan Gyi Thauh peng ah cozah rian a ttuan mi saya/ sayamah minung 30 hna cu June thla a zarh khat nak thok in CDM ah an lut I CDM vuanthan in cohlan nak ding caah cunglei ah ca kan pek hna lio asi tiah Kan Gyi Thauh um mi tuanvo ngeitu minung pakhat nih a chim.

Tuandeuh ah khan cun hi ram buainak hi zeitiang a rauh lai kan theih lo caah le zaamnak hmun hma kan ngeih lo ruang ah CDM ah luh lo in kan rak um nak asi. Asinain a tu cu mithat lainawng ralhrang kawl ralkap lei nih sianginn pawl hramhram in an awn cang caah CDM ah luh lo awk a tha ti lo.

Ralhrang Kawl Ralkap nih hriamnam I put in hngah mi sianginnn ah ca chimh ding le a kai mi hngakchia caah thinphang a si tiah CDM ah a lut tharmi sayamah pakhat nih a chim. Kan Gyi Thauh peng ah CDM a tuah mi saya/syamah an rak tampi nain ralkap lei nih pohma 505 in taza cuai le tlaih khihnak an tuah hnu ah a cheu cu non CDM ah an lut than I minung 85 lawng CDM a tuah mi an tang. Asinain June thla thok in minung 30 cu CDM ah an luh chap caah a tu ah cun CDM tuah mi minung 115 leng an um tiah theih asi.

Be the first to comment

Leave a Reply

Your email address will not be published.


*