GOOD NEWS: MIN AUNG HLAING COZAH AN TLU COLH LAI, ARUANG

Ralkap nih uknak an lak hnu in bank an khar hlei ah Myanmar phaisa kyat man a zor caah ramdang cawkmi(import) datsi a lut ti lo, atu lio ramchung a ummi datsi hi thla hnih hrawng lawng a nguh cang lai an ruah tiah Reuters nih a tial. Ramchung kan hmanmi datsi(gasoline,diesel etc.) 98% hrawng bak hi ramdang cawkmi a si, ramchung ah chuahmi a tlawm tuk.

Atu hi datsi man a kai thluahmah cang. Atu hi ralkap kuttang ummi Myanmar sipuazi cu ai cawl kho ti lo, a thaw pit dengmang. Hiti ning CDM kan peh khawh ko ahcun Min Aung Hlaing cozah a tlu colh hrim lai. Credit: Salai Lung Thli Tum. Note: Acunglei bantuk in thil a si caah ramdang aummi hna zong nih ramchung a ummi vialte CDM ah thaazaang chuah dingin forhfialnak tuah cio usih.

May be an image of text that says "REUTERS EMERGING MARKETS FEBRUARY 19, 2021 4:19 PM /UPDATED 11 MINUTES AGO Myanmar protests stall fuel imports, drive up costs By Florence Tan f SINGAPORE (Reuters) Myanmar's refined fuel imports have stalled as protests over the military coup have shut banks and government offices, while a depreciation of its currency has driven up costs, five industry sources said."

A Biapituk Mi Thanhnak. Thaizing cu Laimi or Chinmi Vialte hna nih kan i ngeihmi nisunglawi taktak Chin National Day asi cang lai. Kumdang le tukum cu kan theihcio bangin aikhat ti lo. Ramkip a ummi hna zong nih tulio kan tonmi buainak konghe pehtlaiin Chin National Day cu tuah lo dingin biachahnak an tuah cio hna. Cu konghe pehtlaiin Laitlang aummi Hakha um caah thawngthanhnak an tuah cang.

Thaizing caan hmannak konghe pehtlaiin The Hakha Times nih thanhnak atuah mi cu hi bangin a si. Thaizing ca thawngthanh. Thaizing hi ralkap uk kan duhlo langhternak Hakha ah kan cawlcanghnak a ni 14nak a si cang lai. Kan tha a ba cio cang lai nain thaizing zong lamzawhnak in cawlcanghnak kan ngei than lai. I tonnak hmun: Cozah Sipuazi Bank hmai or Suhpawng zung hmai (Bogyoke lam), I ton caan: Zinglei suimilaam 10:00

Biakilh: Zaangfah tein DAWR kan kharpiak hram u, tiah kan in nawl hna. Chinchiah ding, CND a si ca ah Lai thilthuam kan i hruk hna lai. I dinhnak cu Carson Hall hmai ah a si lai i CND caan tlawmpal hmantinak he sathluak zong kan eiti hna lai. Flag sticker le Sathluak ca ah siantawkte kutsamhnak he thazaang chuah cio a si lai. Credit: The Hakha Times.

Relchih Aduhmi Caah. Nihin rammi nih Ralkap uknak duhlonak lam zawhnak kong he pehtlai in rammi nih lamzawh in duhnak kan langhter tik ah a nemnak in kan langhter ah tha tiah Rev. Denis Ngun Thawng Mang nih February 18 Hakha lamzawh mi zapi sin ah a chim. Hi kong ah Rev. Denis Ngun Thawng Mang nih “Kan duhnak kan langhter tik ah dai tein langhternak nawl kan ngeih bantuk in langhter ding tuanvo zong kan ngei. Cun kan duh lo mi hi zeiset dah a si ti zong kha kan fian a herh. Minung pumpak kan doh mi si lo in, ningcang lo hramhram in a kan uk mi uknak tha lo lohter ding tuanvo kan ngei.

Duhnak langhternak ah mi fahnak peknak lam si lo in a nemnak lam in tuah a biapi,” tiah a chim. Cun, A biapi mi cu uknak chia le kha uknak chia a rungvengtu hna kha zeitin dah kan doh lai ti kha biapi.Mi zei cozah le hruaitu an chuah zong ah party le pumpak, a bu, Khrihfabu, miphun hna karlak ah i soisel le i huatnak um lo ding kha kan i ralrin a herh ngaingai. Hi duhlonak langhternak hi chikkhatte ah aa lim ding a si lo zia le caan sau rian a si zia kan hngalh a biapi ngaingai. Cun hi mibu cawlcangh lio ah COVID-19 tlangrai zong biatak tein kan i ralrin a herh. Mask bunh daithlang hlah usih. COVID tlangrai kan ram ah a thiang rih lo. COVID raikhamh sii zong kan i chun rih fawn hna lo. Cucaah daithlang hlah usih, tiah a chim. Credit: THT

Be the first to comment

Leave a Reply

Your email address will not be published.


*