ATAM BAK HIH, TUTIANG KIA NIH RALKAP SAKHAN AN LAKMI ZAT

Thla Khat Fai ah KIA nih Myanmar Ralkap Sakhaan 10 Hrawng an Lak. Kachin miphun hriamtlai KIA nih thla khat fai chung ah Myanmar ralkap sakhaan 10 hrawng an lak khawh, tiah theih a si. March 25 ah KIA nih abiapi ngaimi Myanmr ralkap sakhaan Alaw Bum an rak lak i cu caan thawk cun hmun kip ah kahdohnak fak ngaiin a chuak.

Abikin, Phakanh peng, Moekaung peng, Waingmaw peng, Putao le Tanaing peng pawl KIA nih Myanmar ralkap sakhaan an doh hna.Phakanh ah cun Myanmar ralkap 30 hrawng nih KIA sin ah hriam an chiah timi thawngpang zong a thang.KIA nih an lakmi pawl hi sakhaan fa tete he fonh in cun 10 leng a si lai. Acheukhat hmun ah cun Myanmar ralkap nih sakhaan lak tthan ding in an rak doh hna.

Nikhat Chungah KIA Le Kawl Ralkap Voi (4) Bak An I Kap -

Cun, KIA nih an lak hnu ah anmah KIA le Myanmar ralkap nih hmunkhuarnak ah hman ti loin kaltakmi sakhaan pawl zong an um,” tiah Kachin upa pakhat nih a chim. Alaw Bum tlaang sakhaan zong Myanmar ralkap nih lak tthan ding in vanlawng in an kah peng nain atu tiang an la kho thai ti lo. KIA le Myanmar ralkap karlak kahdohnak hi Kachin ramkulh chung lawng ah si loin Shanram nichaklei zong pehzul in kahdohnak a um. Credit:The Chin Journal

KIA Thazaang A Tthawng Chin Thluahmah Cang Hi -

Thawngpangthar: Falam Lei kan Unau Pawl Hruainak in Chin Hriamtlar Thar “CNDF” an Dirh.Falam peng, Kalay-Kabaw hrawnghrang le ramleng khuasa Chinmi hna khuakhaan lairelnak in Chin National Organization (CNO) le Chin National Defense Force (CNDF) timi hriamtlai bu dirh a si cang, tiah April 13 ah CNO nih cathanh an chuah.

CNO nih CRPH le atulio caankarlak cozah NUG he rian kan ttuan tti lai tiah an ti i, Democracy a dirkamhtu bu dangdang hna he zong pehtlai in rian kan ttuan lai, tiah an lungput an langhter.Cun, ralkap uknak a dihdongh tiang in doh ding in le Chinmi hna nih kanmah tein khuakhaan lairelnak nawl (self-determination) kan hmuh nakhnga rian kan ttuan lai, tiah an langhter chih. Chin ramkulh ah hriamtlai bu 3 an hun um cang: CNF/CNA, ZRA le CNDF hna an si.

Be the first to comment

Leave a Reply

Your email address will not be published.


*