ASUNGLAWITUK HRINGHRAN KAWLRAM CAAH THAWNGPANG TTHA TAKTAK ACHUAK

Kawlram Myanmar caah Thawngpang ttha: Vawleicung i a nganbik chawleh peh tlaihnak “The Regional Comprehensive Economic Partnership (RCEP)” Trade Bloc.. timi RCEP hnatlaknak (Agreement) cu tuchun November 15. khan ASEAN ram 10 le China, Japan, South Korea, Australia le New Zealand, a zapi ram 15 nih min an thut cang.

Kum riat chung voi 37 leng biaruah ttinak an ngeihmi cu nihin khan hnatlaknak an ngeih khawh caah lunglawmh ngai awk taktak a si. RCEP i a telmi ram 15 nih vawlei milu i 30% le vawlei cung GDP hi 30% le global trade chawleh-chawhrawlnak i 30% in 40% kar a huap. Ni kum ah India kha a chuak. Chuak hlah seh law 40% tluk a huap khawh lai. India zong a rauh hlan ah a luh than ding in lam onh piak cia a si.

USA cu an telh lo pin ah 2017 lio ah Trump cozah nih Comprehensive and Progressive Agreement for Tran-Pacific partnership (CPTPP) zong a rak chuah tak cang… US politics caah Sensitive ngai a si lai. RCEP nih a tinhmi tampi lak ah pakhatnak, Tariff timi ngunkhuai phun khat – ramdang i chawleh chawhrawl tik i laakmi ngunkhuai kha a si khawh chung in a tthumh lai.

Pahnihnak. Increase Market Access – Thil/chawleh chawhrawl khawhnak hmunhma luhnak lam a karhter lai. Pathumnak, Investment (tangka hrambunhnak) ah thapeknak le bawmhnak he a tthawnter lai i chawthil pawl fawite in ramchung ramleng a luhchuah khawhnak lam a on piak lai. Palinak, RCEP nih atu a um ciami chawleh chawrawl hnatlaknak (Trade agreement pawl bilateral,

AFT, multilateral le plurilateral le regional trade agreement) pawl cung ah fek deuh in a sersiam lai. Kawlram ah RCEP ram in Investment tampi a lut lai/ trade a fawideuh lai caah hmailei kan ram caah ruahchannak tampi a um i kan ram sipuazi boruak a tha chinchin lai timi a langhter. Credit. Dr Sui Hingz

Relchih: Laimi cheukhat catial le comments ka rel tikah Trump hi Pathian bantuk ah a ruatmi hna an um rua ka ti. An hei ttanh khawh tuk ning cu a mak. A cheu cu Trump cataarmi ah Laica tein an comment ve tawn i, uar an um tuk. 2016 lio ahhin Trump hi ka tthanh ngai ve. A tei lai tiah ka rak zumh fawn. Nain 2020 ahcun a sung lai tiah ka zumh bak cang.

CoronaVirus a von chuah ahhin a dirhmun a hman ti lo. US President tuanbia zoh tikah Presidents a ttuanmi kip nih harnak/ challenging an tong cio. Bush chan in kan zoh ahcun World Trades Centers a tlu. Osma Bin laden a tho. War on Terror an phan. Obama nih a von chan i Bush nih a thah khawh lomi Osma Bin Laden a thah. Asnain Iabma caah Terrorist thar/ ISIS an tho tthan.

Obama cu Trump nih a von chang ve tikah, Trump nih ISiS cu a daihter ve hna. Asinain CoronaVirus nih a von phak tthan ve. Joe Biden nih zeibantuk challenger dah a ton ve te hnga? 2016 lio ahkhan Trump nih teinak a rak hmuh ahhin Pathian remruat a si ko lai tiah ka rak zumh ngai. Abik in US Supreme Court ah judge thlen dingmi an tam caah a si.

Asinain a term 2nk peh loin 2020 ah a sung ttthan colhmi zong hi Pathian remruat thiam a si ko lai tiah ka zumh fawn. Zeicatiah, Trump term chung ahhin China a tthang tuk. Racism a karh fawn. US bawmhnak ah aa hngatchanhmi mihar tampi harnak an tong. Abik in Foreign policy ah US dirhmun a tla tuk. Trump nih National Security Advisor ah a rak thimmi John Bolton cauk, “The Room Where it Happened” timi cauk ka relmi chung ah Trump cu, “Yes Man” lawng nih an kulh a ti.

Trump nih Secretary of State ah a thim hmasami Rex Telson nih Trump cu, a secretaries pawl nih kan chuahpimi “Memo” pawl hi a rel huam lo” a ti. Trump hi Republican Party in President a tlingmi a si ko nain, GOP pawl nih Trump he riantuan an iharh ngai tiah bia a chuak pah lengmang. Cucaah, GOP top leaders 10 renglo nih 2020 election ah anmah party a silomi Joe Biden endorsed an tuahnak hi si dawh a si.

Election result ka zoh tikah Georgia 🇬🇪 ah Biden nih a tei. Georgia hi Khrifa, abik in Protestants an tamnak state a si. Cun, Arizona zong ahhin a tei rih. Arizona hi Red State ah an ruahmi a si ve rih. Ziah Republican ah an vote lo? Cucaah, Trump nihhin Israel a dirhkamh ning le Christian value a dirhkamh ning ahcun Khrifa pawl an lung a tling ngai nain US Cozah i department 3 biapi ah Executive Department a hruaining hi Boss ttuan in a tuan tikah, a tei/chei hrimhrim lo tiah an ruah caah Khrifa tampi zong nih an dirhkamh ti lonak hi a si kho tiah ka ruah.

Trump hi a sungh aa fiang tuk cang ko nain ka sung a ti duh lo tikah, a mual a pho chin lengmang in ka hmuh. Amah a tangtu pawl zong bel-nang a neh viar hna ka ti. A press secretary ( kayleigh mcenany) hi ka uar tukmi a si i, amah zong hi Trump dirhmun zoh chih in biachim a herh tikah, a credibility a thlak dih sual lai ka phang ngaingai. Hi vial si rih seh. Catialtu Zasang Cinzah.

Be the first to comment

Leave a Reply

Your email address will not be published.


*