APOIBAK, SUU KYI CUNGAH KAWLRALKAP NIH THIL AN TUAH TTHAN CANG

Apoi chin lengmang ko cang, Aung San Suu Kyi cu kawlralkap nih case dang in sual an phawt tthan cang. Tutan case thar an chapmi in Aung San Suu Kyi cu case pahnih angei cang tinak asi. Tutan ah Aung San Suu Kyi sual an puh tthannak case hi Covid zawtnak khamnak phunglam he pehtlaiin sual an phawt tthan. Atu phunglam hi khuacaan konghe pehtlaiin phunglam tuahmi section 25 nak hmangin a si.

Tuan deuh ah Aung San Suu Kyi cu chawnh biaknak thilri, permit um loinn aa chiah ruangah export and import law hmangin sualphawt arak si cang. Tutan ah sual an phawtnak case konghe pehtlaiin Aung San Suu Kyi nih zeibantuk phunglam khoika zawn dah akalh timi tucu an langhter chih lo. Asinain thimnak tuahlai Campaign hrawnghrang lio asi lai tiah an zumh.

Kawlralkap nih sual an phawtmi cungah apalh ko tiah biachahnak an tuah asi ahcun Aung San Suu Kyi cu kum thum chung thongthlak khawh asi. Nizan ah khan Suu Kyi le President U Win Myint cu video hmangin biaceih hram an thok hna i, March thla nikhat ah khin an bia an caih tthan hna lai. Suu Kyi case dang an pek nain president tu cu pek chap asi lo tiah an langhter.

Thawngtha: Victoria LOCKDOWN A Dih Than Cang. Victoria Ramkulh, ni 5 chung erhkhumhnak (Lockdown) tuahmi cu tu zaan sml 11: 59 PM in a dong than cang lai. Thaizing thawk in lenkainak, tonnak, le pumhnak pawl tuah khawh a si cang lai i sianginn zong on than a si cang lai.A liamcia ni 5 chungah minung 212,000 test an si i zawtnak ngeimi hna umkalnak hmunhma le naihniammi minung 3,400 zong hngalh an si i midang he pehtlaihnak tuahter an si lo.

Cun, a liamcia sml 24 chungah minung 2 sinah zawtnak hmuh a si i atu ah Victoria Ramkulh chung zawtnak ngeimi hi 25 an si. Aa thlengmi asiloah zulh ding hna, Lengchuah khawhnak a ruang 4 a um ti lo – duh tik poah ah lengchuah khawh a si. 5km chung lawngah umkal ding timi a um ti lo. Hmaihuh (Face Mask) cu inn chung/leng zong, hlat deuh in umthut khawh lonak hmun poah i hruk ding, cun pakhat cu zaal chungah i ken peng rih ding.

Ni 1 ah mileng 5 tiang ngeih khawh a si. Khualeng zapi tlonlennak hmun ah minung 20 tiang i hmuhton khawh a si. Sianginn on than an si. Rawl/thil dawr le khual riah/umthutnak pawl zong on than an si. Biakinn pumhnak tuah khawh a si, minung rikhiah a um lo. Asinain mincazin (electronic) he 2 sqm hlat thutnak ding hmunhma a bitkauh zoh in a si lai.

Thihloh caan ruakhumh/ruakthlahnak le thitumhnak cu minung rikhiah a um lo, asinain mincazin (electronic) he 2 sqm hlat thutnak ding hmunhma a bitkauh zoh in a si lai. Sizung/siinn ummi cu chungkhar pakhat nih ni 1 voi 1 in vehvet khawh a si. Sammehnak, tamhnak le adangdang dawr phunphun hna zong on an si. 26 February ah thawng thar thanhnak a um than te lai. Credit: CBN

Be the first to comment

Leave a Reply

Your email address will not be published.


*