APOI KO, TUNAI TE AH MINUNG PAKHAT A NUNNAK ALIAM TTHAN

Apoituk hringhran ko. Ralhrang kawlralkap le palek kahnak ruangah U Min Nguh cu a nunnak aliam. Hi kong hi chungkhar nih thanhnak an tuahmi asi. Nizan ah khan Kalay i, Teihkhanmah pawngah Ko Min Nguh cu an kah. An kah caan hi zan suimilam pariat le minute 20 hrawng ah khan asi.

Ko Min Nguh cu nizan ah khan an kah i, tuzing zingka suimilam pakua le minute sawm nganga ah a nunnak aliam cang e tiah chungkhar lei nih thanhnak an tuah. Amah hi kum 30 te lawng asi rih mi asi. Cun a nunnak aliammi hi Tasi khuami asi tiah an langhter. Nizan Kalaymyo ah ralhrang ralkap hna nih kahnak in minung panga an nunnak aliam.

May be an image of one or more people

Thilsining nizan:We lose, but they do not win! Suimilam pahnih tluk kan lu cungah meithal kuan pawl an zuang thluahmah, kan iphennak thingkung le motorcycle hna zong nih an celh lo, an beu dih ve. (Zam Cin Mang timi FB Account nih cun “Over 1000 gunshots” tiah a tial, meithal thawng pawl a umnak hmun in bawlpen he aa chinchiah tawkah). Mipi thong renglo nih kan hmai i hriamnaam aa kenmi pawl (kanmah minung) an hnulei in a herhnak ah kan bawmh hna. Cheukhat zuri le thilin sa khun an rak um ve “Mah ka hmun ah hriam nan i tlaih lo cun lawi dih uh” tiin an au, mah a autu lila zong cu hriamnaam zeihmanh an i put ve lo.

Kan hmai a normi nih thantar a rang an tar cun mipi kan au khuang, thantar a nak a van tar cu kan umnak hmun cio ah kan i thup than. Ralkap lei in minung pahnih hliamhma an pu ve cang ti kan theih tlawmpal ah an kuanpi he mipi lei an van kah.Aa hliammi paoh cu pawngkam um motorcycle aa kenmi nih siizung lei ah a rannak in an tlikpi colh hna. Atu tiang rih ah mipi lei in minung 4 an nunnak a liam (Chinmi minung 3) i minung 35 leng hliamhma an pu (Hliamhma a pumi hi an zapi fiang in theih khawh a si lo).

Ralkap lei zong minung 3 hrawng an thi tiah a chimmi le Facebook ah a tarmi an um ve, mipi lei nih cun minung pahnih cu fak ngai in kan hliamh hna tiah a hliamhtu hna nih an chim.Ambulance motor ah ralkap pawl an i cit ti thawng theih a si tikah Ambulance motor paoh cu mipi sinah luh sianh an rak si lo. Mipi kan zam dih, kan himnak a si lai ti ruahnak paohah kan zam hna. Minung tampi mah le inn ah lawi ngam loin atu tiang kan um rih, thaizing ah niceu dawh a chuak te lai ti ruahchannak he kan hngak.

Tuzan Kalay Region Security and Defense Force (KSDF) nih mitthli le hacang rial buin bia an khiahmi cu; Lo zuu nih inn zuu a pawnchuah kho lo, ti a si.Ralkap pawl nih hin kan umnak Kalay ah an kan pawnchuah kho lo kanmah tu nih kan thawl cang hna lai ti a si i tuan i rak kal tawnmi khan-set khan si ti loin teih-set tu in kan kal cang lai tiah KSDF hruaitu upa hna nih bia an khiah cang. Mah hihi a kan bawmtu Federal State Army kan ngeih hlan lo paoh kan zulh cang lai an ti. Minung thazaang in tei ko hmanhsehlaw hriamnaam thazaang in cun kan tei lo. Nain, a kan tei ve hrimhrim lo kanmah tu nih kan tei deuh hna. Mah cucu tuchun/tuzanlei i a cang taktakmi kan thil tonmi a si! By. Za Bawi Thawng

Be the first to comment

Leave a Reply

Your email address will not be published.


*