APOI BAK, UICO RALHRANG NIH HRIAMNAM NGAN IN MIPI AN KAH HNA

Ralhrang kawlralkap an sualning hi cu lungrawk bak asi ko. Hriamtlai zong kah loin mipi an umnak ralzam an i dorhmun ah hriamnam ngan in voithum an kah hna tiah thanhnak an tuah cang. Hi konghe pehtlaiin Myanmar Now thawngzamhnak nih a langhter mi cu ralhrang kawlralkap hna nih ralzam hna umnak lei ah hriamnam ngan in voithum an kah hna.

Hi hriamnam ngan ralhrang kawlralkap nih ralzam lei ah an kahmi konghe pehtlaiin Shan State Refugee Committee nih thanhnak an tuahmi cu hi hriamnam ngan kahnak ah hin minung zeizatdah an nunnak aliam i, minung zeizat dah hliam an tuar timi theih asi lo tiah an chim. Suimilam pariat le cheu hrawngah Loi Tai Leng, IDP camp lei ah an kah hi a si.

Cun a hnu suimilam pahnih hnu hrawngah hriamnam ngan in kuan panga zong Camp in km 3 tluk a hlatnak hmun kah tthan asi. Hi chungah pakhat lawng a puak kho tiah khuami an nih an chim tiiin Shan Herald Agency News nih a langhter. Hi konghe pehtlaiin Pathian Ni le Cawn nikhatni zing ah 120mm kuan hna cu Bang Kwai le Loi Kaw wan camp pawngah kah a si tiah SSSRC nih an chim. Hi ahhin minung pakhat a nunnak liam tiah an langhter chih.

Caption: The 120mm shells that landed on farmland near the Loi Kaw Wan IDP camp (SSRC)

Thawngpang Dang: Min Aung Hlaing caah thawngpang chia pakhat a chuak mi kong a si. Ralhrang kawlralkap lutlai mithat lainawng pa Min Aung Hlaing caah thawngpang chia taktak a chuak tthan cang. Caan karlak Myanmar cozah dirhmi Nation Unity Government nih ralhrang lutlai kawlralkap bawizik Min Aung Hlaing cu Tlaihpiak ding in NUG nih INTERPOL ah Bawmh Halnak ca a Kuat.

Ara lai dingmi April 24 ah Indonesia ram ah Asean Summit a kai dingmi mithat lainawng pa Min Aung Hlaing tlaih ding in Myanmar caankarlak cozah NUG nih vawleicung palik bu INTERPOL sin ah bawmh halnak ca a kuat. Min Aung Hlaig tlaih ding in bawmh halnak ca cu NUG, Myanmar Home Affairs le ramkomh vuanci U Lwin Ko Latt nih April 22 ah INTERPOL sin ah an kuat.ICC le ICJ ah Min Aung Hlaing tazacuai khawh a si nakhnga Indonesia ram a rat tik ah rak kan tlaihpiak u,” tiah NUG nih bawmh halnak ca a ttial hi a si.

Be the first to comment

Leave a Reply

Your email address will not be published.


*