AN ZUAMCAWH HOI CANG HNA, RALHRANG NIH AN THANH VE CANG

Ralhrang nih mipi an lemsoi cang hna, Aungbali a paoh mi paoh nan paohmi zat in kan in pek hna lai tiah ralhrang kawlralkap nih thanhnak an tuah ve. Kawlralkap nih uknak an lak hnu ah Aungbali zuarnak lei a ttumchuk ngai cang. Ting 15000 le ting 5000 a paohmi hna zong adih lak in an pe hna lo. Asinain ting 5000 apaoh mi tu cu a dihlak in an pek hna ti asi.

Hi konghe pehtlaiin ralkap cozah nih thanhnak an tuahmi cu September nikhat in a voi 30 nak Aungbali on a si cang lai i, 70% pek an si lai. Hi zawn ah a paohmi vialte hna cu nan paohmi zat in pek nan si lai tiah an langhter. Hi konghe pehtlaiin NUG nih naite khan Aungbali an tuah ve i, minute hleinga chungah ticket 50000 an zuar manh. Nili chung ah tinghnih an zuar manh tiah theih asi. Ralhrang cozah le NUG hi an i zuamcawh ngaingai timi alang.

May be an image of standing and indoor

Ralkap minung thonghnih hrawng nih Min Aung Hlaing chuahtaak in CDM an tuah cang. Ralhrang kawlralkap hna nih nawlngeihnak an lak hnu Thlaruk chungah CDM atuahmi ralkap pawl hi minung thong hrawng an phan cang tiah an langhter. Hi konghe pehtlaiin People’s Board of Directors Lieutenant General Lin Htet Aung nih a tanglei bantuk in a chim. Ralkap bak in a rak lutmi hi minung thongkhat le zanga hrawnghrang an si i, palik in alutmi pawl he fonh hna ahcun thonghnih renglo an si lai tiah Irrawaddy thawngzamhnak ah a chim.

People’s Board timi hi ralkap in CDM a tuahmi National Unity Government le CDM he attuanmi ralkap konghe pehtlaiin bawmchantu an si hna. Hi bu ah director a ttuanmi Lieutenant General Htet Aung zong hi ralkap sianginn in a dihmi a si i, Shan ramkulh nichuahlei Light Infantry Division 528 ah Tat Khwe (တပ်ခွဲ) tuanvo latu asi. Amah hi a liamcia April thla thok in CDM atuahmi a si. CDM ah a lutmi ralkap pawl chungah Colonel rank tiang a phan mi hi minung za renglo an si. Cun training apetu zong an um hna i, meithal he raltuknak hmun ah a ummi zong an i tel tiah a chim.

Be the first to comment

Leave a Reply

Your email address will not be published.


*