AN BAWIPA RUAK TIANGIN AN TLIK TAAK DIH, RALHRANG PALEK PAWL

Kachin ramkulh, Hpakant peng ah Police bawi pakhat cu Meithal in an kah i a hmun ah a nunnak a liam tiah Khit Thit Media nih a langhter. Meithal Zuun (5) in an kah i a hmun bak ah a nunnak a liam, a dang police pawl cu an zam dih ti tiah Kachin News pakhat nih a langhter ve. Hpakant peng, Lungkhin timi zawn ah a si. August 19, 2021 zaanlei suimilam 5:00PM hrawng ah an kah i a nunnak a liam hi a si tiah an langhter ning cu asi.

Zaan lei ah an kah mi Police bawipa hi Hpakant peng, Lungkhin khuate, Yekung hrawng a uktu a si i a min ah Win Myint a si tiah khua mi nih an chim. Meithal in a kap tu hna hi mizei an si theih a si lo. Kachin ramkulh hi tutan ah ralkap dohnak a fah ngai nak a si. Cun a bik in Hpakant peng chung in nitin te ralkap duh lonak a langhter mi, sandah a piah zungzal mi an si hna.

Relchih Cabia dang: Tulio ahcun hibantuk thawngpang hi thawngttha ti hau ko.Min Aung Hlaing te sin ah thawngpang apetu miphun leirawitu minung pasarih an thah khawh tthan hna. Thunderstorm Without Borders nih an nau le tthenkhat hna cu Sagaing region Minkin pengah an thlah hna. An thlahmi hna nih miphun leirawitu Dalan minung pasarih hna cu kan thah hna tiah thanhnak an tuah. Dalan kan thian dih hna lai tiah anmah pawl hi a dirmi an si.

Dalan thah dingah Thunderstorms Without Borders timi phu nih an thlahmi hna hi August ni 14 ah khan Minkin pengah an phan hna. Dottletnak thatein an tuah dih hnu ah dalan minung pasarih hna cu a tubantuk in an thah hna nak hi a si. Kawlram hmunkip kaa kip ah August ni 19 hi mithi an tam taktak ti a si. Dalan pical pakhat zong Ayeyarwady region ah an thah rih.

Be the first to comment

Leave a Reply

Your email address will not be published.


*