AA RALKAP PAWL ZONG AN I TEL VE CANG, MIN AUNG HLAING AN DOH CANG

Kawlram chaklei hawikom hriamtlaibu 3 a si mi AA, MNDAA le TNLA hna nih covid le kahdohnak ruangah Kawlram mipi harsatnak ruah in ralkap cawlcanghnak vialte ngol cio dingin nihin September 4 ah cathanh an chuah. Cathanh nih a langhter ningah ralhrangbu nih February 1 ah rampi uknak a lak hnu dai tein duhlonak a langhter mi hna cu ralhrangbu nih an thah hna, an tlaih hna ruangah ramchung hmunkip meithal a puah.

Kahdohnak zong a zual. Kawlram chung covid-19 zawtnak ruangah mipi nunnak tampi a liam, eidin, chawlehnak zong harsatnak tampi an ton pin ah ramchung hmunkip ah kahdohnak ruangah mipi nih harsatnak fak piin an in. Ralhrangbu nih thazaang tampi an i chap, hriamngan in khua an kah, mipi an tlaih hna, an thah hna ruangah kahdohnak a karh chin lengmang mi a si.

Cucaah, covid-19 runvennak kongah pawngkam ram le vawleicung covid runvennak phu hna he tuanti ding le mipi nih atu nakin harsatnak an ton ti lo nak ding caah rianngeitu vialte nih lam kawl cio ding le mipi harsatnak a pe khomi ralkap cawlcanghnak vialte hrial le dihter dingin pehtlaihnak a ngei mi bu vialte hna sin ah kan in forhfial hna tiah cathanh an chuah. TCP

South Asian Monitor | Talks between Myanmar military Arakan Army proceed  smoothly

Thawngpang dang relchih: Chinmi vialte nih kut beng hna usih thawngpangttha tuk asi. Hakha Palek In Runno (Duh Tatkyat) Bawi Van Hmung Cu CDM A Lut.Sept 4, tuni in Hakha palek in Runno (Duh Tatkyat) Bawi Van Hmung cu CDM a lut cang tiah theih a si. Bawi Van Hmung nih cun Mipi he dir in khongton uknak hi a rawh dihcek tiang dohnak ah kaa tel lai. Ralhrang nih mipi cungah an tuahmi thatlonak vialte ka hmuh pinah a diklo ningin palek nawl an kan pek lengmang mi cu ka zulh lo caah CDM ah ka luhnak a si tiah a tial.

Palek dang le ralhrangbu tang i riantuantu dang hna zong nih a diklomi nawlpeknak cu zul loin a dikmi lei ah dir cio usih. Runno Bawi Van Hmung. Bawipa nih in umpi ko seh! Hi bantuk in kan Laimi or Chinmi vialte hna nih Bawi Van Hmun bantuk in ruahnak pical ngei in ralhrang uknak zeitlukin dah a si timi i fiang in CDM lut cio hna usihlaw ralhrang pennak hi kan ram ahcun adih ko lai. Van Bawi Hmun upatnak kan in pek. Bawipa nih lam in hruai ko seh.

Be the first to comment

Leave a Reply

Your email address will not be published.


*