A TURU KO. DR SASA NIH MIN AUNG HLAING THLUAK A LEH DIH CIKCEK,

Ralhrang Kawlralkap pawl thluak cu Dr. Sasa nih a chung le leng tiangin a leh dih ko hna. An thluak a ttawl khawh dih cikcek. Dr. Sasa nih a chimmi cu zeibantuk min an i bunh zongah anmah minung hi biapi an si. Ralkap nih Democracy phungin thimnak tuahmi cu hriamnam hmangin an hrawh dih. Ralkap uknak tangah kawlram a rawk deuhdeuh i, october thla cun kawlram mipi 55 million chungah 6.4 million cu ei le din ngeilo harsa in an cang lai.

Hi bantuk dirhmun ah Ralhrang kawlralkap cozah nih covid zong tei loin, an buai cang. Hitluk in kawlram le mipi an hrawh dih hnu ah an i lungsak rih lo. Zeidah an duh chap? Cu ruangah minthar Inn Hngak Acozah tiah an i timi cu Kawlram kan hrawh lai, Democracy uknak um lo dingin kan tuah peng lai, Mipi harsatnak kan pek peng hna lai, rampi tiang harsa dingin kan tuah peng lai an ti duhnak a si.

Ralkap nih cozah an dirh kho lo i, minthar an tuah sawhsawh, Fimcawnnak le ngandamnak zung zoh ulaw, zeihmanh an tuah khawh loning alang chinchin. Mipi hrawh le rampi hrawh ti dahlo tuah khawhmi an ngei lo. Ramthen le ramkulh zongah cozah an dirh kho lo. Cu caaah kan si kho tilo, mipi kan uk kho tilo tiah nawlngaihnak kaltak hna seh, mah cu lawng cu an tuah khawhmi a um chun a si.

A hmasa min an i bunhmi hmangin vawleipi an pehtlaih khawh lo tikah minthar an i bunh tthan nain vawleipi cu anmah bantuk thluak in hlen khawh mi a silo. Zeibantuk min in an kal zong a ngah hlei lo, mithat an si i, zeibantuk buu zongah an i tel kho lo. Cozah dirh kho zong an si lo. Min i thlen sawhsawh men in vawleipi ah hmunhma lak an timh a si ahcun an mualpho chinchin lai.

Atu ah Min Aung Hlaing nih Buddhist biaknak kan humzual lai tiah a chim. Hi a chimmi hi biaknak hmangin mipi buai hnaseh tiin biaknak kha hriamnam ah an hman cang. Hi bantuk hi cu tuanbia zongah a um cang i, ralkap hriamnam pakhat asi. Hi an thluak hi biaknak kip kawlram mipi hopaoh nih kan dihlak in kan i ralrin a hau. Ralkap rap chiah mi ah i fawih lo dingin i ralring cio hna usih. Biaknak ah buai ding kan si lo, Zeibantuk biaknak zong remnak a duhmi lawngte kan si tiah a chim.

Be the first to comment

Leave a Reply

Your email address will not be published.


*