A TTHAWNGTUK MI ZAWTNAK KAWLRAM A PHAN VE CANG

Ralrin tein um cio hna usih. Fawite in thihnak a chuahtertu Kawlram ah covid zawtnak atthawngmi phun an hmuh. Covid sawhsawh asi lo i, mipi caah thihnak fawitein a chuahtertu covid a tthawngmi phun hmuh a si caah mipi hna cu ralrin tein um uh tiah Ministry of Health& Sports Department nih thanhnak an tuah. Covid sawhsawh nak in a tthawng deuh mi hi kawlram chungah minung 11 an ngei cang.

Cu hna cu Mandalay ah minung pali, Myeih township ah minung pathum cun Tamu township ah minung pahnih, Yangon in ramdang a ummi sin in minung pakhat le Kalaymyo township ah minung pakhat an si tiah MRTV nih thanhnak a tuah. A phun aa dang ngaimi zawtnak an hmuhmi hi Alpha, Delta le Kappa hna an si i, hi zawtnak rai an hmuh cang ram hna cu a tanglei bantuk in an si.

India le France, Germany le Ireland, Switzerland le US hna ah hmuh a si cang. Covid zawtnak a chuak thar mi hi a karh zong a rang tuk mi a si i, fawitein thihnak tiang a chuak tiah WHO nih cun an chim. Hi konghe pehtlaiin kawlram chungah covid zawtnak angeimi hi an tam chin lengmang aliamcia suimilam 24 chungah minung 225 an hmuh i, a tu hi covid zawtnak in kawlram ah a zawmi hi minung 146000 renglo an si cang. Hi chungah minung 133000 renglo an dam cang i, covid in a thimmi hi minung 3248 an si tiah an langhter.

May be an image of 2 people, people standing and outdoors

Thawngpang dang:Ralhrang kawlral nih rian an khinh mi lunglawm tein a ttuan mi hna cu thah thluahmah an si cang. Tutan zong ah Kyaut Tan township ah ralkap lei nih rian an khinh mi ပညာ‌‌ေ၇းမူး pa cu meithal in an kah caah a nunnak aliam. Yangon region Kyaut Tan township ah ralkap lei nih ပညာ‌‌ေ၇းမူး rian an khinh mi U Aye Tun cu meithal in kah a tong I a thi tiah theih asi.

Tuni June thla ni 16 zing lei nazi 8 hrawng ah cycle in zung a kai pah ah အထက 1 sianginn hmai ah a paw ah meithal in an kah caah a thi colh tiah mah ka pawng a um mi nih an chim. Kan umnak sang lei I dalan a si. A mah ruangah tlaih a tong mi CDM saya/ sayamah an tamtuk tiah mipi pakhat nih a chim. U Aye Tun thih nak konghe pehtlai in ralkap lei nih a thihnak hmun pawngah checknak le biahalnak an tuah len tiah theih asi.

Thanhnak tuah lengmang cang bantuk in ralhrang kawlralkap hna nih hramhram in uknak an lak hnu ah hruaitu lutlai ah anmah ralhrang kawlralkap nih an duhmi minung paoh rian an khinh hna. Cuchung ah minung tampi ralhrang kut tangah rian kan ttuan kho lo tiah an cohlang hna lo. Asinain a cohlang minung tampi an um hna. Nain a tu ahcun pakhat hnu pakhat in an thah cang hna i, an thah minung zong tampi an um cang hna. Cucaah ralhrang riankhinh minung pawl caah thinphang asi cang.

Be the first to comment

Leave a Reply

Your email address will not be published.


*