A Tha Ko Taktak : Palik Officer Minung 100 Leng CDM Ah An Lut Cang.

Ralkap uknak duhlonak langhtertu faktukin thah le tukvelh an si lioah Palik officers 100 nak tam CDM ah an i tel ve cang. Feb 1 in ralkap nih uknak a lakin tuni tiangah ah ralkp nih minung 50 nak tam an thah cang hna. minung an thahmi tam deuh hi Yangoon khuapi, mandalay, Monwya, le hhmun dang dang hna ah an si.

CDM ah a tel hnuin Tu zarh awtka ah khan yangoon palik department leiin acting police Colonel Tin Min Tun kum 54 mi nih cun video hmangin biachimnak a ngei, A chim ningah ram pumpi nih an kalpi cuahmah mi CDM ah ka lut ve, ka rian vialte ka pek dih hna tiah a chim. Mah pa hi CDM lutmi palik lakah a rank sang bik bak asi. Ralkap uknak tangah riantuan ka duhlo tiah kum 31 chung palik rian tuan cangmi Col. Tin Min Tun nih cun a chim fawn.

Tu ah cun palik vialte hi ralkap uknak tangah hman khawh an si tilo tiah a chim chap. Colonel nih a rian a kaltak hnu hin a nau lete zong nih an kaltak cio ve. Offficer pakaht nih cun palik ca lawng silo in mipi ca tu ah a um mi kan si, mipi ca riantuan ding kan si tiah a facebook cahmai ah a langhter fawn. Palik CDM ah a telmi hna hi cunglei in nam an si tikah a dirhmun zong a tha lo ngai. A nupi fanau le tiang nih thahphaih an tawng cang

Credit: The Irrawaddy

Be the first to comment

Leave a Reply

Your email address will not be published.


*