A POITUK RALHRANG KAWLRALKAP NIH VANLONG TIANGIN KHUAMI AN KAH HNA

Ralhrang kawlralkap nih khuami Vanlong in an kah hna.Ralhrang kawlralkap hna nih Loikaw I Nanat Taw le Yeyo sang hna cu cunglei raltuknak vanlong in hriamnam ngan in an kah hna tiah thanhnak an tuah. Kaya region Loikaw khua um mi Nant Taw le Yeyo sang hna cu ralhrang kawl ralkap lei nih hriamnam hme he angan he an kah hna.

Cu lawng si loin cunglei raltuknak vanlawng hna hmang in mipi cu an kulh hna i, an kah hna. Biatak tein an kah hna caah khuami hna zong kan zam kho lo tiah Yangon Khatit media thawngzamhnak ah thawngthanhnak an tuah. Hi konghe pehtlaiin khuami nih a chim rih mi cu Zingka in tutiang an I kap peng rih lo. Meithal thawng lawng te si ko.

May be an image of aeroplane and outdoors

Hmun dang zong ah zam kawh a si lo caah mah le inn chung cio ah kan I thup cio hna tiah a chim rih. Cun ralhrang kawlralkap lei nih Loikaw aiport in ralkap thazang an I chap len zong kan hmuh tiah khuachung um media cheukhat nih an langhter. Hi bantuk in ralkap lei nih tar le hngakchia umnak hmun hna ah hriamnam ngan hmang in kahdoh an tuah mi hi fak piin kan mawhchiat hna.

Hmun dang um mi mipi hna nih Nanat Taw sang um mi mipi hna cu dirpi ding in kan in nawl hna tiah PKPF lei nih ca an chuah ve. Nizan May thla ni 23 thok in Kaya region hmunhma pawl ah ralhrang kawl ralkap lei le mipi karlak ah I kah doh nak aa thok I ralkap lei nih hriamnam tling in mipi lei cu an kah len hna tiah theih asi.

May be an image of sky and nature

Thawngpang Dang: Ralhrang kawlralkap thiltuah hi cu lung a fak hringhran ko. Zei sualnak ngei lomi hi zeizat remruam dah an thah hna hnga mu.. Ralhrang kawlralkap kah nak a nunnak aliammi cu thaizing ah a ruak kan vui lai tiah thanhnak an tuah. Taung Ngu ah ralhrang kawl ralkap hna kah nak ruang ah a thi mi U Myo cu May thla ni 25 ah an vui lai tiah theih asi.

Pagu region Taung Ngu peng Htan Ta Pin khua ah ralhrang kawlralkap hna nih nizan tihni May thla ni 22 zaan ah an kah ruang ah a thi mi U Myo cu May thla ni 25 ah a ruak an vui lai tiah khuami hna sin in theih a si. Thil sining cu hitihin a si. May thla ni 22 zaan nazi 8 le minute 30 hrawng ah sangchung ah bomb a puak. Cu bomb a puah tlawmpal ah ralhrang kawlralkap hna nih mipi um nak sang chung ah an luh hnawh hna.

Ralhrang kawlralkap nih sangchung an luh hna ah hramhram le ningcang loin meithal an puah in an kah thluahmah. Ralhrang hna nih meithal in U Myo cu an a zun in ah an khenh I hliamhma a pu.Cun Ralhrang Kawl Ralkap lei nih an kalpi rih. Athai zing May thla ni 23 ah a thi I a ruak cu ralkap sin in kan lak khawh than tiah U Myo he neihniam hna nih an chim.

Be the first to comment

Leave a Reply

Your email address will not be published.


*