A Poi Ko : Palik Nih Tlaih Dingin Kan Chin Mino Hmmanthlaak Cu An Taar Cang.

Apoi tuk hringhrang nihin chungah mahtluk ngaihchiatnak kan ton lio ah, kan mah le ram cia cungah mah ti bak khin, kan Chin mino minung 5 bak cu Ralkap nih tlaih dingin an hmanthlaak he an tar hna khi a si. “Tlaih ding ah nawlchuah an si cang. Hakha khuachung hmun kip ah Ralkap le Palik nih an hmanthlaak an taar/benh chih hna .

Mah atanglei min hna Ralkap le Palik nih tlaih an timh mi hna cu an si. 1.Salai Ngun San Aung , 2.Dr. Biak Cung Lian , 3. Salai Van Tin Lian , 4. Salai Elishama , 5. Ni Ceu (Meithat Officer). Sources- The Hakha Times

RELCHAP : RUSSIA ZONG A LUNGDONG CANG HIH, KAWLRALKAP CU I CEI HNA SEH :Kawlralkap caah thawngpang chia taktak a chuak cang. Kawlralkap thiltuah mi kongah Russia zong an lungdong ruangmang ve ko cang. Kawlralkap he pehtlaihnak or ttuantinak an ngeihmi zong kan chah khawhmi asi tiah an chim cang.Theihcio bangin Kawlralkap adirkamh mi chungah Russia abiapi ngaingai mi pakhat asi. Russia nih cuhlan ahcun Kawlralkap a dirkamh hna.

Sihmanhsehlaw atu ahcun lung-aw ttawm in an um ruangmang cang. Tulio kawlram chungah a cangmi thil cu ruahnak lengin a zualhma ngaingai cang. Hi bantukin kawlralkap tuahsernak ruangah thil a cangmi konghe pehtlaiin Russia cozah nawlngeitu pakhat nih a chimmi cu Kawlram thilcang hi thinlung akhoih taktak mi thil asi ko tiah Russia nih cun kan ruah tiah a chim.

Cun zei sualnak ngeilo mipi an thi lengmang sual lai timi hi kan thin aphang ngaingai ko tiah Russia presidential Security office spokesman Dmitry Peskov nih thawngzamh tu hna sin ah a chim. Kawlram dirhmun hi thinphang asi kan theih i, dottletnak kan tuah cuahmah lio asi. Sualnak ngeilo civil an thih chin lengmang mi thawng kan theih tikah kan thin aphang ko tiah a chim rih.

Kawlram ah a cangmi thil hi Russia caah thinphang ngaimi pakhat asi i, thil a cangmi hi thatein kan cuanh ko i, Kawlralkap he ralkap lei ah ttuanttinak kan ngeihmi zong hi ngol ah a ttha lai maw timi kan i ruah cuahmah lio asi tiah a langhter chih. Kawlralkap nih uknak an lak hnu ah tutiangah theihkhawh mi chungah minung 70 renglo nunnak aliam cang i, minung thonghnih hrawng an tleih cang hna tiah theih asi. Credit. PM

Be the first to comment

Leave a Reply

Your email address will not be published.


*