A Poi Ko : Kan Biakinn Tiangin An Kan Luh Hnawh Cang (Video)

Palek le Ralkap nih biaknak hmun HBA le Carson Hall ah lamzawh mibu an rak fuh hna

Ralkap uknak kan duh lo tiin lam a zawh mi Hakha mibu hna cu 2021 February 27 chunhnu, Carson Hall tual i an i ton lio ah Palek le Ralkap nih meithal le meithahnak seh he HBA le Carson Hall kar lam ah mibu an rak fuh hna hna tiah Tha Hakha Times nih a tial.

“Hika hmun cu Chinmi le Khrihfa mi nih kan sunhsak bik mi, biaknak hmunhma a si. Hika hmun hna i an hriamnam he bak rammi an rak kan fuh i an duhpoh in an kan cawlcangh hnawh mi hi cu kan biaknak le kan miphun an kan nehsawh tuk ruangah si,” tiah lamzawh mi minole mi dang zong nih an ti.

An chimning ah cun “An rat lio ah kan zung chung leiah luh aa tim mi ralkap pa kha na lut kho lo, biaknak zung hmunhma a si, tiah ka thloh i a chung ah cun an lut lo” tiin HBA zung riantuan pakhat nih The Hakha Times ah a chim.

Hmailei ah hi bantuk kan biaknak hmunhma ah Palek le Ralkap nih khuami le rammi doh le fahnak pek ruah ah hmunhma laak an timh than ahcun kan Pastor te nih raltha tein kan runvenpiak hna sehlaw a tha, cu lo ahcun khuami kan lung a fak tiah lamzawh mi mino pakhat nih a duhnak a chim.

Credit- The Hakha Times

Suu Kyi cu a Hmuh 2 an Chap than tiah theih a si

Monday in cun Suu Kyi cu a hmuh 2 an chap than. Nizan Sunday lawng i an thahmi hna hi minung 18 hrawng an si, tiah Suu Kyi a sihni nih a chim.Monday i video in taza cuainak an tuahnak i Suu Kyi muisam zohtikah damcah dawh in a lang ko, tiah a sihni Min Min Soe nih Reuters ah a chim.
Feb. 1 hnu in NLD hruaitu Suu Kyi cu nihin tiang mipi lakah a mui hmuh awk a tha ti lo. “Video chungin A May (ka nu) ka hmuh i, damcak ngai sehlaw a lo ko” tiah Min Min Soe nih a chim.Mipi cungah tihphannak ,asiloah, ralrinpeknak, asiloah hnahnawhpeknak thawngpang capar in na thanh, na chuah caah, tiin Monday in khan cun case dang an chappiak than rih, tiah Min Min Soe nih a chim.

 

Be the first to comment

Leave a Reply

Your email address will not be published.


*