A Fiang Put Ko Hih, Chin Miphun Tanh Ding Chinmi Nih Dirhmi Chin Party Tanh Ding

Chin miphun tanh ding, Chin mi nih dirhmi Chin party tanh ding, Chin ram le Chin nungphun ruahchih bu tein tialmi (Chin miphun ca hrimhrim tialmi) party policy a ngeimi Chin party nih Chin state ah acozah ser ve seh” tiah kan ti tikah “mah miphun ca lawng zoh ding a si lo, PYITAWNSUH SEIHDAT ျပည္ေထာင္စု စိတ္ဓါတ္ ngeihding a si, a bi tukmi miphun lungput (Narrow minded Nationalism) က်ဥ္းေျမာင္းေသာလူ မိ်ဴး ေရး ဝါဒ ngeihding a si lo, Kawl ram ah kan um ve caah miphun dang le Kawl huatnak thinlung ngeihding a si lo”

tiin Kawl mi nih an kan ti tawn hna. A poi chin mi cu Kawl mi lawng nih si loin kan mah Chin mi lihla nih kan i ti ve tawn. Angaingai ti ahcun Kawl mi nih PYITAWNSUH SEIHDAT hi ngei hna sehlaw Kawlram ah civil war PYITUIN SIT (ျပည္တြင္းစစ္) or tlangcung hriamtlai phu a um hnga lo.Kawlmi nih PYITAWNSUH SEIHDAT ngei hna sehlaw Panglong hnatlak ning tein Federal le Self determination kha kan ngeihdiam cang hnga. NLD zong nih PYITAWNSUH SEIHDAT angei taktak ahcun Tlangcung miphun party pawl he Kawl ram kan ukti lai rian kan tuanti lai timi policy a ngeihding a si. Tlangcung miphun party kan herh hna lo timi hi PYITAWNSUH SEIHDAT a si lonak a lanhnak cu a si.

Tlangcung miphun hna nih kan mah kan ram cio ah kan mah miphun party nih nawlngeihnak kan ngei ve lai timi a pom lomi cu zeitindah Federal a kan pek duh ko tiin kan zumhkhawh hna lai?Physics ah zei thil tuah paoh ah aa tluk mi lehruhnak a um ( every action has equal reaction). Kawl mi nih tlukruang tein an kan tuah lo/ zoh lo.Miphun le biaknak thleidang in an kan tuahto. Nuhrin covo an kan bual. Kan nunphung le kan ca holh hrawkpiak an kan timh. Miphun maimit Burmanization an kan timh. Hi vialte in luatnak caah tlangcung miphun vialte nih hriamtlaih in kan doh hna. Chauvinism nih Nationalism a hrin mi a si.

Independent kan ngah hnu in nihin ni tiang Kawl mi nih Chin mi le tlangcung mi hna cungah tlukruangnak he dawtnak he ram mi sinak TAINGYINTA SEIHDAT (တိုင္းရင္းသား စိတ္ဓါတ္) he an kan tuahto bal lo, milu an tam deuh i a zei lei paoh in an kan teit lengmang bantukin tei cicek an kan duh peng (tyrany of majority). Kawlmi cu Nu le pa dirhmun ah a ummi an si i nu le pa dirhmun a si mi nih nu le pa sinak lungput he TABAWTHA CIHMUH (သေဘာထား ျကီးမွူ) an langhter ding a si nain an langhter bal lo.

A thawng deuhmi a ngan deuhmi hmanh nih kan cungah dawtnak, thin fualnak an ngei lo ahcun a derthawm deuhmi, a tlawm deuhmi, kum saupi miphun thleidannak le nengneknak a tuarmi kan nih Chin mi nih kan miphun cu kan tanh ve ding a si lo maw? Kawl kuttang um le Kawl nih thu dir tuahter hi kan i vawi rih lo maw? A ziak in maw kan i ziak tuk cang. Chin miphun party mee kan pek i miphun party nih Chin pyine acozah kan serter ahcun cu nih cun miphun dang kuttang kan um duh lo timi lungput, miphunpi lungput a langhter lai.

2008 phunhram tang dirhmi Pyine acozah ciocio ah Chin mi hrimhrim nih dirhmi party nih Chin state acozah tlaih mi le miphun dang nih hruaimi party nih acozah tlaihmi asulam or a muru (အနွစ္ သာရ) aa khat hrimhrim lo. Miphun sinak i uanpinak (A sense of National Pride) a tel. Chin mi lung fim a cu cang. Crd, Pa Hmun.

 

Be the first to comment

Leave a Reply

Your email address will not be published.


*