2023 AUGUST THLA TIANG NAWLNGAIHNAK KA TLAIH LAI

2023 August thla tiang Nawlngeihnak ka tlaih lai tiah Min Aung Hlaing nih a chim. Nawlngeihnak hi 2023 August thla tiang ka tlaih lai tiah SAC Phu lutlai Min Aung Hlaing nih nihin nawlngeihnak a lak thla 6 tlin ni ah a chim.Ram a daih tik ah thimnak tuah a timhnak, upadi ning in thimnak tuah khawh a si nakhnga thla 6 chung nawlngeihnak a tlaih rih naklai kong pawl a chim.Min Aung Hlaimg cu 2020 July ah kum 65 a tling cang nain pension la duh loin meithal aa tlaih i nawlngeihnak a lak.Rammi minung 1000 deng a thah cang hna. THT

Myanmar coup: martial law declared but army chief promises junta will be  'different' this time | South China Morning Post

Thawngpang:Ramkhel lei ah hmuhtonnak angei lomi pumpak thilti khawhnak zeihmanh a ngeilomi hna nih an dirhmi CRPH, NUG, PDF hna cu nawlngaih duhnak leng, Hmeilei cuanhmi an ngei lo. Ramkhel kalphung zeihmanh an ngei fawn lo. Cucaah hibantuk ramkhel kalning zong ngeilo in dirhmi buu hna cu a rauh hlan ah an tlau colh ko lai tiah Karen ramkhel hruaitu tthing le ralhrang dirhmi rampi Administration Council chungtel Badu Mahn Nyein Maung nih a tial.

Aliamcia kum 1970 ah Myanmar Primer hlun U Nu le a hawi le hna nih rampi nawlngaihnak lak timh in, tlangcungmi umnak ramri ah an zam. Parliament Democracry party an dirh. An hruaitu luban hna zong mitthawng tthawng ramkhel ah hmuhtonnak tampi angeimi le ralkap bawi tthing tampi an i tel. An party dirhmi zong thawngpang a ngei ngaingai i, ramdang zongin bawmhnak an hmu ngaingai.

An ralkap dirhmi PDF ralkap zong an thawng in an hriamnam zong a chan lio ahcun a tha ngai hna. KNU le Mon cun Chinmi zong an rak i tel ve. Sihmanhsehlaw anmah chungah hmuhning le ruahning a phunphun a chuah ruangah caan sau deih loin a rauh hlan ah an tlu. U Nu zong india ram ah humhhimnak hal in a zam. Alungdongh hnu ah U Ni Win sin ah aa ap i kawlram ah a kir tthan.

Cun kum 1988 ah mipi hna nih duhlonak an tuahmi a deih hnu ah sianghngakchia, phungki le mipi thong tampi hna cu tlangcung hriamtlai sin ah an zam hna i DAB ralkap an dirh. A hnu ah kawlram rampi hual sianghngakchia Democracry ralkap ABSDF timi an vun dirh tthan. Hruaitu tha taktak an ngei, ramchung ramleng zong pehtlaihnak tha an ngei. Sihmanhsehlaw kum 30 a liam cang, zeihmanh an tuanchuahmi a um hlei lo.

U Nu le ramkhel thilti kho hna nih dirhmi PDF le 88 sianghngakchia hna nih rak dirhmi ABSDF hmanh caan sau a daih lo i, an rak tlu dih. Ramkhel thinglung angei ngaingai lomi le ramkhel lamthluan zong angeilomi nih an dirhmi CRPH le NUG le PDF hna cu caan sau a rauh hlan ah an tlau dih lai, sau a deih hna lai lo tiah Badu Mahn Nyein Maung nih thilsining a luanciami he ahmuhning a chim.

Badu Nyein Maung hi KNU in a chuah hnu ah nikum 2020 rampi thimnak ah MP a rak i cuh ve nain a tlinglomi a si. Ralhrang kawlralkap hna nih nawlngaihnak an lak hnu ah an dirhmi rampi Administration Council ah chungtel ah an thim. Spring Revolution dothlennak chungah kawlralkap a dohtu GZ pawl biatak tein a soiseltu zong a si i, Karen Mino pawl nih ram le miphun aleirawitu asi tiah an huat ngaingai mi asi. PM

Be the first to comment

Leave a Reply

Your email address will not be published.


*