ZUNTHLUM, THIKAI, TB ZAWTNAK ANGEIMI CA HRIMHRIM AH A TTHA KHUN

Zeitik caan ah dah Kan Tak Kan I Kholh Lai? Tak kholh hi ahar mi cu a lo, nain ngandamnak he pehtlaiin zeitik caan ah tak kholh hi atthat timi hi a um ve tawn. Tak kholh hi mah duhning caan paoh in ai kholh mi kan um tawn. Chun ah siseh zan ih lai ah tibantuk in um tawn asi. Tak kholh nak caanttha bik cu zingka suimilam paruk in zing suimilam pariat karlak hi a ttha bik mi asi. Zawtnak angeimi hna nih zeitikcaan ahdah Tak i kholh ding.

Thikai zawtnak. Thikai zawtnak angeimi hna caah zingka Nichuah hlan ah Tikik in i kholh hi attha bik. Tilum i kholh ah hin temperature a thlen khawh caah Thikai a zualter khawh. Curuangah Tiluk in tak i kholh lo ah a ttha. Cun chun khualum lio zongah i kholh lo ah a ttha rih. Zingka i kholh manh lo ahcun chun suimilam hleikhat hlan hrimhrim ah i kholh ding, asi lo ahcun zanlei suimilam pasarih hrawngah i kholh ding.

Zunthlum Zawtnak. Zunthlum zawtnak angeimi hna nih zingka suimilam paruk in zingka suimilam pariat karlak ah i kholh hi attha bik. Thiamsang hna nih an hmuhchuah mi cu Tilum nih hin thithlum level hi a ttumter i, a sersiam khawh. Taksa rim siseh thaditnak vialte a chawnter khawh i, Hi ruangah zunthlum angei mi hna nih cun Tilum tein tak i kholh hi attha bik.

Asthma or TB Zawtnak. Asthma/Tb zawtnak angeimi hna nih chunhlan le chunhnu a vun i thlenka hrawngah khin Tilum tein i kholh ah a ttha. Tilum a khumi vun dawp or vun hip piak tawn ding. Ttangfah le Khuh siseh TB zawtnak angeimi hna nih cun theih peng dingmi asi. Nikhua caan hoih in takkholh caan hi i tuah lengmang ding asi i, Tikik tongh tuk lo ding.

Khuaihli or Arsik. Arsik le Khuaihli angei mi siseh pakhat khat hi bantuk he pehtlaiin Vun fahnak pakhat khat angeimi hna nih cun Tikik in i kholh hrimhrim hi attha bik mi asi. Tikik nih hin thahri dang a rak chuak dingmi kha a runven khawh ti asi. Cucaah khuaihli maw asi lo ah Arsik siseh vun pakhat khat ah fahnak angeimi hna nih cun Tikik te hman ding.

Zawt Lio Caan Ah Teh. Zawtfah tlangrai nih tlakthuat lio ahcun atu atanglei vun langhtermi in hin i kholh ding asi. Tilum 80’f in 90’f karlak siseh asiloah 27’c in 32’c tluk a sa or a lummi in i kholh ding asi. Hihi nih hin taksak or Khuasik nak kha adaihter. Hihi kum a upa deuh mi caah ko ah asi tiah an chim. Asinain lungmih maw luakchuah angeimi hna cun tuah lo ding ti asi. Hithil hi minung tampi an hlawkpi mi zong asi.

Atu le Tu Takkholh hi attha maw? Tak kholh hi a nuam ngaingai mi asi. Nifatin takkholh siseh atu le tu takkholh hi a rak tha lem lo. Aruang cu hme tete in kan vun akuami aphittu vialte kha a hrawh dih caah hrik fawite in aluh khawh caah zawtnak ngeih a fawite tiah theih asi. Cun atu le tu takkholh ah hin Sapiat le Shampoo hman asi caah hi nih hin vun fahnak aphunphun a chuahter khawh, ngandamnak caah a ttha lo tiah an chim.

Zawtnak angei lomi caah cun zeitikcaan paoh ah Tilum siseh Tikik in i kholh khawh cu a si ko. Sihmanhsehlaw a cung vun langhter mi zawtnak angeimi hna caah cun a caan theih hrimhrim ahau. Ngan adammi ca zongah atu le tu takkholh hi cu attha lo. Ngandamnak caah a ttha bik mi cu nihnih voikhat maw asiloah nithum voikhat maw i kholh hi attha bik tiah an chim. Nain kan rianttuan ning hoih in tak kholh caan cu theih ding. Dr CLRP

Be the first to comment

Leave a Reply

Your email address will not be published.


*