WOW, VOIKHAT CHUNH BAK IN COVID AKHAMMI SII AN SER KHAWH CANG

US ttheuttheu hi an si ko, voikhat chunh bak ah covid zawtnak akham khotu vaccine an ser khawh cang. America ah sii-ai sertu company asimi Johnson & Johnson nih vawlei cung huapi test nak an tuah hnu ah covid zawtnak 66% a kham kho sii an ser chuah khawh cang nak kong an langhter. Mah an sermi vaccine hi voikhat chunh dingmi asi i, zawtnak akham khawhning zong hi 66% bak asi.

Sihmansehlaw thil pakhat a ummi tu cu zawtnak ngeihsual i, arianttuan ding mi a ven khawhning tucu 85% bak asi ve. Culawng siloin tulio zawtnak achuak tharmi Africa in a chuakmi zawtnak zong hi akham khawh ti asi. Mah vaccine hi voikhat i chunh bak in covid zawtnak fapi a chuak dingmi kha arunven khawh i, fahnak or zawtnak khamnak dingah biatak tein abawmh ti asi. Hi thil an hmuhchuahmi hi vawlei caah abiapi taktak mi asi tiah an langhter.

Voikhat bak lawng i chunh dingmi timi tu ah hin an ruahnak aidang cio hna i, WHO zong nih hi zawn hi cu biatak tein an ruah aphu ngaingai dingmi asi tiah an chim. Tutan ah an serchuahmi vaccine hi US cozah nih dose 100 million bak cawk a timh i, hnatlaknak zong an ngei cang ti asi. Cun dose 200 million zong cawk ding in an duh rih ti asi. US ngandamnak cu tutan an sermi nih hin a chawn cang lai tiah Dr Anthony Faucy nih a chim.

Kawlram Thawng:Kawlralkap nih thanhnak fiangko in an tuah cang. Kawlralkap nih an timi cu phunghrampi thatein kan ven lai i, kan zulh lai tiah kawlralkap nih fiangput in an langhter. Tuchun ah Kawlralkap hna nih thanhnak zapi sin ah an tuah. An timi cu kum 2008 phunghrampi hi kan ven lai i, kan zulh ve lai tiah an ti. Tuchun ah kawlralkap nih cathanh an chuahmi chungah atanglei bangin an langhter chih.

Kawlralkap hruai lutlai bik asimi Commander in Chief biachimmi vialte tlamtling tein tuah loin upat hmaizahnak zong um loin mah pumpak duhning bangin fianternak an tuah tiah an langhter chih. Kawlralkap lutlai nih aliamcia tuthla ni 17 ah khan ralkap officer acawngmi hna sin ah biarovuihnak bia a chim. Cu a chimmi ahcun phunghram zong thatein kan zulh duh lo asi ahcun hrawh bak ding timi achim.

Hi hlan zongah ralkap aiawh in biachimnak nawl or thanhnak atuahtu hna zong nih ralkap hna nih hin nawlngeihnak aana an ting lai loh timi hi kan chim kho lo timi he pehtlaiin ramchung thawngzamhnak kip nih an langhtermi cu ralkap hna nih aana an ting sual lai timi aphan um taktak tiah an langhter. Tuchun ralkap nih thanhnak an tuahmi ahcun January 27 in ralkap lutlai biachim kha an duhning in an langhter.

Cun ralkap hna nih phunghram an hrawh lai timi kong siseh aphunphun thinphan thlalaunak an langhter. Khabia ralkap lutlai nih ca cawngmi hna sin ah a chimmi kha phunghram konglam an theih khawhnak dingah fianternak atuahmi tu khi asi tiah an ti. Hikonghe pehtlaiin 1962 ah khan One Party System hman timh arak si caah parliament democracy system caah tuahmi 1947 phunghram hrawh arak si.

I, kha phunglam kha hman peng dingah atthat tilo caah hrawh asi. Cubantuk thiamthiam in kum 1988 ah Multi party democracy system kal timh avun si caah kum 1947 phunghrampi cu hrawh tthan ahauh caah hrawh asi tthan. Tutan 2008 phunghrampi hi mipi dirhmun phunphun chungin mikip, thiamsang cungcuang hna le tlangcungmi aiawh palai hna tel in, kum 7 chung ceihkhan hnu ah tuahmi asi.

Cuticun mipi vialte duhning in fehternak tuahmi multiparty democracy system phunghrampi asi tiah an langhter chih. Tutan ah kawlralkap hna nih cathanh nak an tuahmi chungah abiapi taktak in an langhter mi cu 2008 phunghram pi hi kan ven hrimhrim lai i, kan mah zong nih kan zulh bak lai, Cun hi phunghram nih ahuap mi chung lawngah rian kan attuan lai ti asi.

Be the first to comment

Leave a Reply

Your email address will not be published.


*