GOOD NEWS: US UMMI CAAH ASUNGLAWI TAKTAK MI THAWNGPANG TTHA

President Trump nih Thanksgiving biacah a chimmi ah hmaizarh silole zarh nolh in coronavirus khamhnak sii vaccine cu mizaw thloptu hna le senior citizen pawl phawt hmasa a si lai” tiah video conference in tuchun ah a chim.Coronavirus khamhnak sii sertu Moderna and Pfizer company hna nih an serchuahmi vaccine cu zawtnak rungrul 95% a kham khotu a si.

Zawtnak rungrul kherhhlai thiam expert Dr.Fauci nih cun kum voi April thla ahcun US citizen paoh cu phawt dih an si lai tiah a chim.Kum voi tu bantuk caan ahcun a hlan nuning kel in kan nung kho cang lai tiah zumh a si. Credit: Salai Lairam Thang.

Relchih:Donald Trump nih White House chuahnak kong a chim cang. US President Donald Trump cu White House ah Press briefing angei. Culio ah thawngzamhtu hna nih biahalnak an tuahmi cu fiang ko in lehnak atuah hna. Trump nih atimi cu Electoral College nih Joe Biden vote an pek asi ahcun White House cu ka chuahtaak bak ko lai tiah a chim.

Hi konghe pehtlaiin Donald Trump nih ati tthan mi cu thimnak cu a dih rih lo, thil tampi chuahpi dingmi court ah a um ko, A ralaimi January ni 20 karlak ah thil tampi ai thleng kho mi asi i, Court ah karhlan timh cuahmah lio asi ko. Thimnak ah teinak hmuh lo timi cohlan hi ahar ngaingai mi cu asi ko tiah a chim tthan rih.

Tutan thimnak ah hin vote firnak a um hrimhrim i, mipi thinlung zong a faktuk hringhran, Tukum 2020 thimnak result a chuak dingmi nih hin lamcaan saupi angei mi asi tiah Donald Trump nih a chim chih. Hi konghe pehtlaiin thawnglatu pakhat nih hruhru hranghrang ngai in bia a halmi ah Trump cu thinhung in a um i, Trump nih khabantuk khan rak ka chawn lengmang hlah, America ram president ka si hi tiah lehnak atuah.

Be the first to comment

Leave a Reply

Your email address will not be published.


*