US UMMI CAAH, A VOITHUMNAK COZAH BAWMHNAK KONG THAWNGTHAR

Avoi Thumnak Stimulus Check: President Joe Biden nih Coronavirus ruangah harnak a tongmi hna chanhchuahnak caah $1.9trillion Covid relief bill cu tuzarh friday ah hin house an an vote lai i, an pass lai tiah zumh a si. Mah bill cu The House Budget Committee nih cacawn nikhat ni ah khan vote 19-16 in an cohlan hnu ah House ah an chuahpi khawhmi a si. Mah bill chungah minung pakhat $1400 cio hmuh dingmi a tel. Rian ngei lomi hna Unemployment a eimi hna nih zarhkhat ah $400 lengmang an ngah lai.

Minung pakhat nih sumilam pakhat hlawhman cu $15 pek dingmi zong a tel. Mah chungah hin nau thah le nau hrawhnak le phungning loin US ah a lutmi hna zong nih co dingmi a tel caah Republican pawl nih senate ah an kham khawh men ti a si. Congress nih an pass khawh ahcun March thla canceo hrawng ahcun minung pakhat nih $1400 cio ngah than a si te lai.

Tulio Kawlram CDM cawlcanghnak nih vawlei pi a hninh ti awk a si. Vawleicung media kip nih an chim, an tial. Sikan an ngeihning, an i ttanrual ning, an ralthat ning, chun ah sandah an piah, zan ah kiam an cong. An tha a ba hrimhrim lai. Inn duah, motor khangh, thilfir le dawr bauhmi pakhat hmanh an um lo. Black Lives Matter [ BLM] cawlcanghnak cu an tei cikcek hna. 2021 Nobel Peace Prize zong an ngah lai tiah zumhnak ka ngei.

Atu bantuk caan i CDM a lut duh lomi pawl cu democracy le federal kan ngah tik ah an ningzak te hnga dek maw? ramleng ummi hna nih kanmah le kan ti khawh tawk cio in bawmh khawh i zuam hna usih. Zahan zan Hakha mino pawl an cawlcanghnak le an ttanrualnak ka hmuh ah ka lunghmui taktak khi a si. Upatnak ka pek hna.

President Donald Trump le 2024 Thimnak: President hlun Donald Trump a hua ngaimi Republican Senator Mitt Romney nih 2024 President thimnak ah Donald Trump a luh than ahcun Republican candidate pawl cu fawi tuk in a tei hna lai, asinain kei nih cun vote ka pe hlei lai lo,” tiah tuchun ah a chim. Romney cu Republican aiawh in Obama he President a rak i cuhmi a si hlei ah Democrats nih impeachment an tuah i, Senate i taza an cuai lio ah avoi hnih ning tein Donald Trump cu impeachment a tuahtu a si.

Tiger Woods Accident A Tong :Vawleicung golf tuk thiambik mi, Tiger Woods cu California state, Los Angeles khua pawng, Rancho Palos Verdes ah motor accident nizan ah a tong. A mtor he lam thlangah an tla i, a thi kho dirhmun a phan nain a luat. Amah tein a chuah khawh lo caah palek le a tlaknak pawng ummi hna nih an chanh chuah. Palek nih a motor chung vialte an chek, amah zong an chek i, rit-hai si le zu a dinnak nehnang kan hmu lo an ti. Emergency sizung ah an kalpi i, a ngalruh a thlekmi um tiah an chim. A motor speed a tam caah a si kho men an ti. A motor hmailei cu a sop dih caah total lost a si lai tiah an zumh. Credit: Salai Lairamthang

Be the first to comment

Leave a Reply

Your email address will not be published.


*