TULUK HMANH A THINPHANG CANG, THANH NAK ATUAH VE CANG

Tuluk nih thanhnak atuah ko cang. Tuluk nih UK in arak lut dingmi vialte hna cu kham atimh cang hna. United Kingdom ah Covid zawtnak bantuk a chuah tthan ruangah UK in Tuluk ah arak lut dingmi hna cu khamh timh an si tiah Tuluk Foreign ministry thanhnak atuahtu Wang Wenbin nih a chim. Hi zawtnak konghe pehtlaiin atanglei bantukin langhter asi.

Tutan ah UK i, zawtnak phunkhat covid zawtnak dang achuak thar mi hi, tulio zawtnak covid rai nak in i chawnh khawh afawi deuhmi asi tiah an chim. Asinain zawtnak thar achuak mi hi ttihnung tuk asi maw timi hi theih khawh asi rih lo. Hi ruangah ram zeimawzat, abik in Europe ram hna nih cun UK in an ramchung ah alut dingmi vanlong vialte an khap colh hna.

Acunglei konghe pehtlaiin UK ah zawtnak thar achuah ruangah Tuluk zong nih kham atimhnak hi asi. Zawtnak akarh lonak dingah i runvennak ding caah tiin UK in Tuluk ram ah alut dingmi vanlong vialte hna cu caan karlak chung cu phihkhar atimhnak hi asi. Biachap. Zawtnak i chawnh khawhmi chungin kan i runvennak dingah zulhphung tuahmi tete hna hi zulhkhawh cio i zuam hna usih.

Relchih:Kawlram mi caah thawngpang chia ngaingai asi. Iralring ngaingai ahau. Thailand ah tulio zawtnak covid ruangah Kawlram mi hna cu an huat ngaingai ti asi. Phungning loin Thailand ah a lutmi Kawlram minung hna sin in covid zawtnak akarh caah Thailand ramchung media ah Kawlram minung cu amiphun hoih in huatnak achuak tiah reuters thawngzamhnak nih a chim.Kawlram mi rianttuannak hmun Bangkok khuapi pawng Rili ngasa zuarnak Samut Sakhon bazar ah Covid zawtnak angeimi an hmuh hnu ah minung thongkhat le zathum nih zawtnak an ngei cang ti asi.

Hi ruangah Kawlram mi hna cu hmuhnak paoh ah kahthah ding timi aw-an hi youtube le social media ah biatak tein a chuak cang. Hi ruangah tthenkhat Bus le Taxi ah Kawlram mi hna cu an citter ti hna lo.Culawng siloin zung pawngkam zongah kawlram mi hna cu kalter an khap hna i, kalnak nawl an pe hna lo ti asi. Hi konghe pehtlaiin Migrant workers hna bawmchantu chungin member pakhat asimi Sompong Srakeaw nih a chimmi cu hi zawtnak nih hin ahohmanh athleidang hna lo nain Kawlram mi hna cu zawtnak akarhter bantuk ah an chuah hna tiah a chim.

Covid zawtnak achuah in vawlei cung hmunkip ah ramdang minung hna cu zawtnak akarhtertu le a chuahtertu an si tiah aphunphun an rak langhter cio hna. Hi zawtnak kongah Donald Trump hmanh nih covid timi biafang ahmang duh lo i, Chinese Virus tiah min apek. Cubantuk thiamthiam in ram pakhat le pakhat karlak ah zawtnak akarhtertu tiah an timi hna hi ramdang minung cio an si hna.Covid zawtnak hi tleihkhawhnak ding le khamkhawhnak ding, Hi zawtnak a chuah tthannak aruang bik cu ramchung ah phungning loin rak luh hi asi ko tiah Thailand Prime Minister Prayuth Chan Ocha nih a chim.

Kawlrammi huatnak bia le hla hi youtube le facebook ah hin zakhat renglo aum tiah Free media watch hna nih reuters thawngzamhnak ah an chim.Asinain huatnak bia le hla hna cu facebook nih a hlonpiak cang hna ti asi. Thailand le Kawlram hi biaknak pakhat Bhuda abiami an si caah, hi kongah hin inkhawh i zuamcio hna usih tiah TV hmangin nawlnak zong Thailand Covid dohtu committee hna nih an langhter. Nizan thok in Thailand cozah nih a ramchung ah Kawlram mi hna cu luhnak nawl ape ti hna lo tiah VOA nih a langhter.

Thailand ah hibantuk in thawngpang avun chuah tikah Thailand ah a ummi Kawlrammi siseh abik in Laimi or CHinmi vialte hna zong kan kal umnak kip ah i ralring cio hna usih. Zawtnak achuahka hrawng vawlei cung ram tthenkhat ahcun Tuluk minung hrimhrim hna cu an rak huat cang hna i, tthenkhat cu hliamhma tiang atuarmi an rak um cang. Cucaah ralring tein um hna usih. Credit:VOA

Be the first to comment

Leave a Reply

Your email address will not be published.


*