TTIHNUNG TAKTAK SI CANG THIAMSANG HNA NIH AN CHIM CANG

Vawlei cung thiamsang Scientist hna nih WHO sin ah cakuat an ttial cang. Vawlei cung ram 32 thiamsang Scientist minung 239 hna nih WHO sin ah cakuat an ttial. Vawleipi ah aleng cuahmah mi Coronavirus hi thlilak ah akal khomi asi i, zawtnak tlangrai pelte zong hi i chawnh khawhmi zawtnak a si.

Cucaah zawtnak konghe pehtlaiin phunglam nan tuahmi hi zohtthan uh tiah nawlnak ca an kuat hna. Cun tutan ah thiamsang hna nih cakuat an ttialmi hi zapi theih dingah cathanh zong kan chuah lai tiah an langhter chih. Hi lio caan ah UN Health Agency nih an chim vemi cu phun dang ngaingai khi a si hoi rih.

UN heath agency nih an timi cu coronavirus zawtnak hi thlilak ah aa chawkmi or a tlonglengmi thil a si lo. Khuah le Hat thio nak in a chuakmi cil pelpawi in i chawnh khawhmi a si tiah an rak chim ve. Hi konghe pehtlaiin WHO infection prevention and control ah lutlai a simi Dr Bendetta Allegranzi nih hitihin a chim ve.

Atimi cu Coronavirus zawtnal tlangrai hi thlilak ah aa chawk mi asi timi tehte zum atlakmi a um lo tiah a chim. Cun hi zawtnak tlangrai hi thlilak ah aa chawk maw timi zong hi a liamcia zeimawzat thla in khan dottletnak rak tuah a si cang ko. Asinain zeihmanh tehte a um lo tiah a chim pin ah hi thil ah a um nak dingah cun cil pelpawi droplet micron 5 nak tam sin ah dottletnak tuah ahau lai tiah a chim.

Hi kong tthiamtthiam he pehtlaiin Expert hna nih an timi cu WHO infection prevention and control committee hi an ruahnak a thleng duh lomi le zulhphung tharchuahmi lei zongah tthawnter aduh lomi an si tiah an ti hna. An ruahnak adirpimi hi minung an si. Cunglei thlilak ah zawtnak chawnh afawituk caah hi zawtnak hi thlilak ah saupi akal khomi asi tihi an cohlang kho lo tiah linsey Marr nih ati ve.