THIAMSANG HNA NIH NUN KHUA SAUNAK AN HMUH CHUAH.A FAWITE

Nun khuasau a duhmi hna caah thawngpang ttha a chuak cang. Thiamsang hna nih dottletnak thar an hmuhchuah mi cu Nun khuasaunak kong a si. Thiamsang hna nih an timi cu ca a rel lengmang mi hna cu a rel ballomi hna nak in caan sau deuh an nung i, an chan a sau deuh tiah an hmuhchuah. Hi konghe pehtlaiin Yale University, US ah thiamsang hna nih dottletnak an tuah.

Kum upa cangmi kum 50 in a cunglei minung thongthum le zaruk, sawmthum panga, 3635 hna cu dottletnak an tuah hna. Hi vialte minung dottletnak an tuahmi hna chungah ca a rel lengmang mi hna cu ca arel lomi minung nak in an nun khua a sau or an chan a sau deuh tiah an hmuh chuahmi vialte cu thanhnak an tuah cang.

Dottletnak an tuahning hna cu Group pathum ah an tthen hna i, Cucu cauk or ca arel ballomi kha Group pakhat ah an chiah hna. Cun Zarhkhat ah suimilam pathum le a cheu hrawng ca a rel tawnmi kha Group pakhat ah an chiah rih hna i cun zarhkhat ah suimilam pathum le cheu renglo ca a rel tawntu hna tiin Group pathum ah an tthen hna.

Hi dottletnak an tuahmi ah an hmuhchuah tthan rihmi cu Pa nak in Nu pawl hi ca an rel deuh ti asi. Cun hi chung hmanh ah hin college a phanmi pawl le pumpaw cawmnak caah tiah riansang deuh a ttuanmi hna nih hin ca an rel deuh ti zong an theih rih hna. Cun dottletnak a tuahtu hna nih hin biapi ngaingai le thatein dottletnak hi an tuah hna.

An kum zat siseh zeibantuk miphun dah an si timi le an ngandamnak attha maw ttha lo. Depression an ngei maw ngei lo timi culawng siloin paw cawmnak kong siseh Nupi Pasal angeimi asi maw silo ti tiangin an zoh dih hna. Cu vialte chungah an hmuh ning ahcun zarhkhat ah suimilam pathum le cheu chung ca a relmi hna cu a rel ballomi nak in dotthletnak an tuah in kum 12 chung thih khawhnak risk 17% an ngei tlawm deuh ti asi.

Cun zarhkhat ah suimilam pathum le cheu renglo ca a relmi hna hi a rel ballomi nak in thih khawhnak risk 23% in a tlawm deuh rih tiah an chim. Cucaah carel hi nun khuasaunak caah pakhat asi lawng siloin theih kauhnak zong asi caah carel hi teiman thlu cio hna usih. Hi dottletnak an tuahmi hi Journal Social Science and Medicine ah an tarlanghmi asi.

Be the first to comment

Leave a Reply

Your email address will not be published.


*