THAWNGPANG TTHA TAKTAK APAKHATNAK A CHUAK CANG

Vawlei cungah tuanbiathar pakhat a chuak cang. Khuaza ramkip a ummi vialte nih thinphang thlalau in aa kan tuahtu cu Covid hi asi. Asinain atu ahcun thawngpangttha taktak a chuak cang. Britain, Pfizer Company nih an serchuahmi Covid-19 vaccine cu rinh atlak mi asi tiah cohlannak an tuah cang. Tutan ah an comfirm mi cu hmaizarh in hman hram an thok cang lai tiah timhtuahnak an ngei.

Tutan ah Britain cozah nih cohlannak an tuahmi hi abiapi taktak mi asi tiah an chim. Hi an sermi cungah company hna zong nih an i lawmhnak an langhter ve. Tutan ah an serchuahmi hi ahramthok ahcun minung 20 million deih in an tuah cang ti asi. Tutan an serchuahmi si konghe pehtlaiin an ruahnak mipi an i lo cio hna lo ti asi.

Company hna nih an serchuahmi hi 95% cu zumh atlak bak tiah an ruah. Asinain side effect a tuah khawhmi cungah zeizatdah angei timi tu hi tampi an thei rih lo ti asi. Hi thawngpang avun len or a chuah hnu ah Russia zong nih thawngpang pical an langhter ve. An timi cu kanram chung nih an serchuahmi sii hi cohlannak kan tuah ve lai tiah an chim. Hi zawtnak khamnak sii he pehtlaiin tuan deuh US zong thanhnak arak tuah cang.

US nih an serchuahmi sii zong hi 95% bak in zawtnak atei khawh in akham khawh tiah an rak ti ve. Culawng siloin US minung abik in kum upa deuh asi mi hna cu pek colh ding tiah an rak ti. Tulio zawtnak konghe pehtlaiin vawlei cung an thinlung re atheih cuahmah lio caan ah ram tthenkhat hnih an serkhawhmi sii tulio zawtnak adohkhamatu sii cohlannak an tuah tikah lawmh aum ngaingai. Arauh hlan ah hi zawtnak cu kan tei lai tiah minung tampi an ruah.

Laitlang thawngpang: Mizapi sin ah theihternak le nawlnak. Biker Family timi min bunh in Lucky Draw cu 2020 October thla in zuarhram kan rak thok. Kan nih hi Zahnak Tlang, Zophei, Khuahrin tlang, Falam Peng khua cheukhat, Senthang Peng, Zokhua le Rinte khua lei ah kan rak in zorh hna. Zuar a kan fial lio zong ah Hakha khuachung ngaktah hna bawmh nakding ca ah kan tuah mi a si a kan ti i, kanmah zong nih zawnruahnak lungthin he kan cohlanpiak ve.

A ticket chuah man zong a pe ta hna lo. Kanmah nih cun, a bawmtu pa sin ah kan pek dih cang. Dawr ngeitu hna zong nih nan kan theihthiampiak naklai kan in nawl fawn hna. A kan zuarter tu pa hi Zar Nyi timi a si i, kan zuar i kan hmuh mi a man dihlak cu aa zaam pi. Kanmah lei nih mi hrokhrol le mi dik lo a si ti hi kan rak thei lo. Cun, a kan dehhlen lai ti zong hi kan ruat hrimhrim lo.

Acung lei kan langhter ning bantuk in, a zuartu kan nih cu mi hrokhrol kan si hrimhrim lo. Kanmah leikap in mizapi nan dihlak nan hmai zong kan i khap bak ve hna lo. Lucky Draw a kan cawtu mizapi nan dihlak nih nan rak kan ngaihthiam in nan rak kan theihthiampiak naklai kan in nawl ko hna.  Upat hmaizahnak he,, A zuartu chung in,.. Biakilh: Lucky draw ticket a zuarter mi hna awaan a si. Credit: The Hakha Post

Be the first to comment

Leave a Reply

Your email address will not be published.


*