CHIEF MINISTER PAHNIH BAK TAZA AN CUAI HNA, A RUANG BIK

An sual chin lengmang ko cang, Mandalay Chief Minister le Rakhine Chief Minister hna cu Defamation Law hmangin taza an cuai hna. Madalay Region Chief Minister Dr. Zaw Myint Maung le Rakhine state Chief Minister Ngi Puh hna cu rampi minchiatnak case timi Defamation Law hmang in taza an cuai hna tiah VOA thawngzamhnak nih alanghter.

Mandalay Region Chief Minister Dr Zaw Myint Maung cu tuchun ah Defamation Law section 505 (b) hmangin sualphawt asi. Tutan ah hibantuk in sual an phawtnak aruang bik cu NLD nawlchuahmi he pehtlaiihnak an ngeih ruangah mah phunglam in sual an phawtnak hi asi. NLD central EC nih cathanh an chuahmi hi panga a si cang ti asi.

Hi nawl an chuahmi ah hin tulio cozah a hnursuan, rampi deihnak thinphang thlalau in mipi thilthalo tuahter maw asiloah tihphanter an timh hna tiah hi case hmangin sual an phawtnak zong asi rih tiah biaceihzung ah rian attuanmi pakhat nih a chim. Cun Rakhine Chief Minister zong asi tthiamtthiam. Tutan ah sual an phawtmi ah an palh ko an ti asi ahcun kum hnih thongthlak maw tangka cawiter an si lai.

Relchih:Atulio Myanmar ram buainak kong ah mizapi thinlung fak le lungrethei in kan um, a si nain tih hrimhrim hlah u, raltha tein um u, dinlonak in tuah mi thil cu Pathian hmanh nih a chanhchuah kho hna lo, tiah Social Affairs Minister hlun Pu Pau Lun Min Thang nih February 17 ah a chim. Kei cu Rampumpi le Ramkulh huap in chimnak nawl le telnak nawl zong ka ngei ti lo.

Asinain, keimah meehmun (mee a ka petu) hna sin ah ka cah mi hna cu, zeibantuk minung hmanh tih hna hlah u! Thil dik tanh u! Raltha tein um u. Ningcanglo le dinlonak in tuah mi thil pohpoh hi Pathian hmanh nih a chanhchuah kho hna lo ti hi thei peng u, tiah bia ka cah hna. Atu CDM in kan cawlcanghnak zong ah kan thachia hlah seh! Dinfelnak hi tanh usih!

Zeihmanh tih hlah usih,” tiah Ex. Minister Pu Pau Lun Min Thang nih The Hakha Times ah a chim. Social Affairs Minister hlun Pu Pau Lun Min Thang cu ZCD party in 2015 kum thimnak lio ah teinak a hmu mi a si i 2020 November 8 thimnak zong ah teinak a hmu than mi a si. Asinain, ralkap nih nawlngeihnak an laak than tik ah atu hi Minister’s Housing ah erh an si rih, tiah kan theih. Credit: The Hakha Times

Be the first to comment

Leave a Reply

Your email address will not be published.


*