NA HNAR THI A CHUAK TAWN MAW? HNAR THI A CHUAHNAK A RUANG

Zeiruangah dah kan Hnar thi hi a chuah tawn? Hnar thi chuah hi a phunphun in a um tawnmi asi. I Khawn sual ah siseh, i sikvel caan tibantuk a fawinak cun i khawnnak ah achuak tawnmi kong hi chim duhmi asi. Tutan ah langhter duh bik mi cu zeiruangah dah ka hnar ka khawng lo nain ka hnarthi cu achuah timi kong tu vun langhter ding asi.

Minung hi kan i lo cio hna lo. Thenkhat cu i khawnnak zeihmanh um lo nain amah tein a Hnar thi a chuak mi hi an um tawn. Hnar thi chuah hi khualum or Nilin lak i chawh ah hin a chuak deuh tawn. Amah tein kan hnarthi a chuah nak a ruang bik cu kan HNAR kua chung ah pakhat khat a ttha lomi a um caah amah tein thi a chuahnak cu a si.

Amah tein hnar thi a chuakmi zongah an i lo cio rih lo. Thenkhat cu an hnar thi a chuah hnu minute tlawmpal chungah a thi a pit tawn. Asinain tthenkhat cu caan sau deuh tiang a chuak tawn i, an hnar thi apih a har ngaingai mi zong an um. Zeiruangah dah amah tein kan hnar thi a chuah? Hnar thi a chuahnak aruang cu atanglei bangin an si.

Minung kan hnarkua chung ah hin thihri tampi a um. Cu kan thahri pawl hna cu a pen tuk caah amah tein a pem ve tawn. Cucaah tlawmpalte vun i hnurnak zong in athi a chuak khomi khi a si. Hnar chungin hin hmunhnih ah thi hi a chuak kho mi asi. Pakhatnak cu Anterior Nosebleed tiah an auh. Hihi hnarkua chungah a ummi Hnarkua hmailei thihri or thahri a pem caah hnarthi a chuak.

Cun apahnih nak ah Posterior Nosebleed tiah an ti tthan i, Hihi Hnarkua chunglei or a hnulei deuh ah a ummi khi a si i, cu thahri thi kalnak pawl akek caah hnar thi a chuak tawn ve. Afawinak cun Hnarkua hmailei a ummi thahri le hnarkua chunglei ah a ummi thahri an pem or an kek caan ah a chuak tawn tinak khi a si.

Fawi tein Hnar thi a chuahter kho tu hna cu hi hna hi an si. Atu le tu in hnap hnih nak in hin fawite in hnarthi a chuak kho. Cun Thlichia or Thlithalo i dawp sualnak nih hnarthi achuahter. Thlitha lo i dawp sualnak nih hin hnarkua chungah a ummi Thahri kha kehter khawh i, cu caah hnar thi a chuak tawn ve.

Cun Cumpit hnar aping caan ah sii ei tawnmi Antihistamine timi le decongestant si ai hna nih hin hnar chung a rocaar ter caah hnarthi hi a chuak kho rih tiah an chim. Hnarthi chuah konghe pehtlaiin a biapi mi ttih a nung mi theih hrimhrim ahau mi cu hihi asi. Thi cancer le thikai a ngeimi kong hi a si. Hihi abiapi ngaingai.

A cunglei langhter cang bangin amah tein or tlawmpalte i hnurnak in hnar thi a chuak mi hi cu caan tawite chungah amah pit in an pit tawn. Minute pakhat hnih ah an pit tthan lengmang. Asinain na Hnarthi a chuah i, minute 20 hrawnghrang tiang zongah na hnarthi a pih lo ahcun THi cancer le Thikai angei khomi na si caah rianrang in Sizung ah kal colh.

Be the first to comment

Leave a Reply

Your email address will not be published.


*