KHUASIK CAAN AH ZEITINDAH KAN I ZOHKHANH NING ASI LAI

Khuasik Caan Ah Zeitindah Kan I Zohkhanh Lai? Khuasi thla kan vun phan cuahmah i, cumpit, khuasih cun taksa or vunro culawng siloin takthah tibantuk achuak tthan lai. Hi pawl hi khuasik le khualum a vun i thlen ruangah a chuakmi an si. Hi konghe pehtlaiin khuasik caan ah zeitindah kan i zohkhanh ning asi lai tiah i zohkhanhning hna cu atanglei bantuk in an langhter.

Khuasik caan a si ruangah Ti zong tam kan ding ti hna lo. Cucaah kan taksa hninhnonak atlawmter tawn. Khuasik caan asi zongah Ti tampi in dinpiak peng dingmi asi i, Tikik siseh Tilum zong siseh punghman tein ding piak peng mi asi. Cun Ei le Din kongah hin biatak tein i ralring ngaingai zong ahau mi asi i, Khuasik caan ah hin a si khawh ahcun Tisik Anhnah hi tam deuh in eipiak ding.

Cun pung hman tein taksa zong i thuh peng dingmi asi i, Lengchuah lai caan hrimhrim ahcun Cream i thuhpiak ding. Culawng siloin zan ih lai zong ah i thuh lengmang ding asi. Cun kan Sam zong biatak tein zohkhanh ahau i, Lu i ttawl tik paoh ah Conditional hman peng ding asi. Na lu na ttawl khawh bak ah na sam kha roter colh ding. Cu lo ahcun cumpit tlangrai ngeih khawh asi i, Lu hi zanlei ahcun i ttawl lo ah a ttha.

Zan ih tikah hmawza i bunh lengmang ding asi i, Hmawza nih hin a ro dingmi Ke kha a runven khawh ti asi. Cun zeitik caan paoh ah hman khawh dingin Lip Balm timi hmurhnoih i chiah peng ding mi asi. Khuasik caan ah hin thli a hnawmmi tampi a um caah lengchuah tik paoh ah hmaihuh Mask i vuah peng ding a si. Akhu vai mi pawl kha a ven khawh caah hman peng dingmi asi.

Acung lei vun langhter mi pawl hi khuasik caan ah tuah hrimhrim dingmi pawl an si i, hihi atuah zong ahar mi thil asi lo. Cun tangka zong tampi a dihmi le hawi hlei in va cawk dingmi khi an si lo. Nifatin kan hmanmi cuahmah mi chungin a hman ning le cang tu kha vun thlennawn mi asi ko caah tuah khawh i zuam cio hna usih. Ref. TOI

Be the first to comment

Leave a Reply

Your email address will not be published.


*