KHAH, RAMCHUNG UMMI CAAH THAWNGPANG TTHA TUK ASI HIH

Hello Kawlram lei a ummi kan miphun hawi vialte hna, nan internet line an in phih piak lengmang hna ti thawng kan theih. Amah bel Thai Sim2 fly cu hman a ngah ko ti a si caah Sim2fly a hmangmi pawl, nan umnak in Top-up tuah a har deuh hna a si ahcun free tein Top-up kan in bawmh khawh hna. Abik in atu lio thil a cangmi kong LIVE thlahnak caah bawmhnak a si lai.

Nan mobile rak kan kua ulaw, Top-up free tein kan in bawmh ve hna lai. Nan hawi le sin zongah rak chim hna ulaw, abik in sim2fly ahmangmi LIVE thlahnak ca lawng a si lai mu. miphun thim a um lo.Kawlram Cozah Riantuantu hna Sinah Ralrin Peknak: Kawlram phone/internet a ngah le cangka in Rangon i cozah rian a tuanmi ka hawipa he kan i chawn! Cozah riantuantu hna nih Civil Disobedience an tuahmi hi ralkap nih an tih tuk cang le Naypyidaw i cozah riantuantu cheukhat hna cu an zungkainak ah an hren hna! Inn ah an lawiter duh hna lo!

An lawiter hna ahcun zung an kai ti lai lo ti an phang! Cucaah cozah riantuantu hna, hrenmi ah aa tel rih lomi hna cu zungkai ti lo ah a tha, tiah ka hawipa nih a ka chimh. Hi kong hi Online ah post lo dingin ralkap lei nih an ti hna! Cucaah keimah a vun ka chimhnak a si! Mahca cun ka hawipa min zong ka langhter lonak a si! Credit: Chin Post.

Hi bantuk in thinlung ruahnak a ngeihmasa i ram dawtnak thinlung taktak in Malaysia harsa dirhmun in hi zat kut samh hna cu zohchun an tlak hrim. kan lungput kan langter mi nih thiltha tampi a tuah khawh hrim lai. Yangon lamzawhtu hna dinti/eidin cawkpiaknak ca ah Malaysia um Nu Ngun Hlei Iang te chungkhar nih ka sin ah 100,000 MMK a rak kuat. Thaizing ah Rev. Uk Ling Thang le mino pali-nga he Hledan le Sule ah dinti kan phawt hna lai.

Ralkap uknak dohdalnak ah alangtlang in Kawlram mipi ca ah chawva a hlutu Nu Ngun Hlei Iang cung ah kan i lawm hringhran. Thaizing Hledan le Sule ah a phanmi Lai mino nih dinti phawt bawmh na kan duh ve ahcun ka messanger in pehtlaih khawh ka si i, phone number zong chiah ta u law Sule le Hledan kan phak in kan in chawnh hna lai. Credit: Salai Zing Bawi.

Atang zong hi asi.Tulio Kawlram buainak konghe pehtlai in thawngpang Ttha taktak Chinmi chungin a chuak. Lawmhnak zapei beng cio hna usih. Malaysia Laimi chungkhar an thiltuah mi cu lawmhnak mitthli a luang ko a sunglawi kho taktak khi asi. Ramleng ummi vialte hna zong nih Malay ummi Laimi tuahsernak hi i zohchuncio hna usih. Malay Laimi nan cawlcanghnak aidawh tuk hringhran. Bawipa nih lam in hruaiko hna seh.

Tulio cu kan theih cio bangin Kawlram cu abuai taktak khi asi. Ralkap nih uknak an lak hnu ah zeidah Kawlram chungah a cang timi cu tampi chim hau loin kan theih dih mi asi. Cuchung Kawlram buainak ah ngeihchiah chawva le thaazaang in rethei thilrit mi hna caah tiah Malaysia um Laimi hna nih kawlralkap dohnak caah an ti khawh tawk in an cawlcanghmi hi ramkip a ummi Laimi hna nih kan i zohchun dingmi an si.

Tutan Kawlram buainak konghe pehtlaiin Malaysia ah ralzam dirhmun in aummi le nifatin rianttuan in aihlawhfa mi Malay um Laimi hna nih Kawlram buainak konghe pehtlaiin thawngpang ttha taktak Chinmi or Laimi cungah an vun langhter. Cu an langhtermi cu hibangin a si. Malaysia Laimi Chungkhar Khat nih Yangon Lamzawhtu Dinti/Eidin Cawknak ah Tangka an Hlut.

Yangon lamzawhtu hna dinti/eidin cawkpiaknak ca ah Malaysia um Nu Ngun Hlei Iang te chungkhar nih kan sin ah 100,000 MMK a rak kuat. Thaizing ah Rev. Uk Ling Thang le mino pali-nga he Hledan le Sule ah dinti kan phawt hna lai. Ralkap uknak dohdalnak ah alangtlang in Kawlram mipi ca ah chawva a hlutu Nu Ngun Hlei Iang cung ah kan i lawm hringhran.Thaizing Hledan le Sule ah a phanmi Lai mino nih dinti phawt bawmh na kan duh ve ahcun messanger in pehtlaih khawh kan si i, phone number zong chiah ta u law Sule le Hledan kan phak in kan in chawnh hna lai.

Atu vun langhter cang bangin Kawlram buainak kongah hin pumpak in siseh chungkhar in siseh, Abuu zong in pekchanh khawh peng asi. Aruang cu Kawlram mipi vialte hna nih tulio kan sining le kan thut dirnak kongah hin biatak tein khua kan ruah a hau cang. Kawlram sining cu vawleipi nih atulio ah an buaipi taktak mi thawngpang ah a cang. An buainak a ruang zong kan theih dih.

Cucaah kanmah le umnak hmun cio in tutan kawlralkap tuahsernak vialte hna hi doh cio hna in sualpuh cio hna in, kawralkap tuahsernak hi dohcio hna usih. Cun hmunkip in aummi kan si hna tikah kan duhnak aidang cio lai sihmanhsehlaw kan duhnak viarte langhternak dingah pumpak nih chawva le thazang in dirkamh cio hi mipi kan rian cu asi ko. Tutan ah chawva in thazang apetu hna cungah lawmhnak bia chim cio hna usihlaw, pumpak zong nih i zohchun cio hna usih. By Joel Bawi. Chirhchan: TCJ

Be the first to comment

Leave a Reply

Your email address will not be published.


*