KAWPI HLUM EI LENGMANG CANG HNA USIH ATTHATUK

Thawngttha ngaingai a si. Coronavirus khamnak caah Kawpihlum attha tiah thiamsang hna nih an hmuhchuah. Hi konghe pehtlaiin France thiamsang hna nih dottletnak an tuahmi chungah an hmuhchuahmi thanhnak an tuah. Kawpihlum hi coronavirus adoh khotu pakhat asi tiah South China Morning Post nih alanghter.

Kawpi hlum nih hin minung taksa i, compound level atlawmter i hi nih hin minung taksa virus nih a hrawh khawh dingmi kha akhen kham in a kilven khawh tiah an chim. Kawpi Hlum hi a hring in siseh thildang he cawh zongin ei ah virus khamnak caah a ttha ngaingai mi a si tiah an chim.

Hi konghe pehtlai thiamthiam in Europe dottletnak atuahtu hna zong nih Kawlpi hlum ah hin Antioxidant tampi a um, Kawpi a ei tammi South Korea le Germany cu US nak in thihnak dirhmun a tlawm deuh tiah an langhter. Cun France ram Montpellier University ah Professor a simi Dr Jean Bousquet nih hitihin a chim,

Zawtnak fahnak hna hi thil kan eimi hoih in aa dang cio. Kan eining dirhmun in zawtnak akham kho deuh le kham kho lo deuh timi hi thil eining nih lai a rel ngaingai tiah a chim. Kawpi tam deuh a ei tammi ram Germany le Austria siseh Czech Republic cun Poland.

Culawng siloin Slovakia le Baltic state cun Finland hna ah hin thihnak a tlawm ngaingai i, hihi kawpi an ei tam ruangah a si tiah an langhter chih. Zawtnak khamnak caah attha bik mi cu Antioxidants atammi eipiak hi a ttha bik tiah World Health Organisation’s Global Alliance against Chronic Respiratory Disease ah Chairman arak simi nih a chim ve.