NA KAA RIM CHIAT RUANGAH LUNGRE THEI IN RAK UM HRIMHRIM TI HLAH

Hawi le Kom hmai ah a zohchia bik mi cu muidawh lo ruang le, sifah santleihlo ruang etc.. ruang zongah a si lo. A zohchia bik mi cu Kaa rimchiat hi a si. Zeitluk muidawh le mifim thiam mirum an si zongah an Kaa rim a chiat ahcun pawngkam a ummi caah a zohchia taktak mi asi i, Kaa rim a chiami pawl hmai ahcun saupi um khawh asi tawn lo. Cucaah kaa rimchiat konghe pehtlaiin theih le tuah aharh mi cu atanglei bangin an si.

Zeiruangah dah Kaa rim a chiat? Minung hi kan i lo cio hna lo. Kaa rim a nam or a chiami hi um tawn asi. Kaa ttawl le Ka rim thawtnak hman peng ahauh asi ahcun pakhat khat thatlonak aum tinak khi asi. Cu hna pawl Kaa i ttawl le Kaa rim thatnak hman lengmang zongah a rim a chia kho tawn. Cun Khaicek Chewing Gum khai zongah a rimchia mi a dih kho taktak tawn lo. Cu bantuk cu pakhat ruangah asi timi kha theih ding.

Kaa rim chiat hi ei le ding ruang zongah a chuak khomi asi. Cucu kan ei dinmi ruangah a si. Asinain a cunglei langhter cang bangin a rim achiami kha athat ter kho hlei lo. Hi konghe pehtlaiin Dr Ara Cooper nih hitihin a chim. Nifatin kan nunnak ah hin Oral Hygiene timi hi a biapi ngaingai mi asi. Ha lawng i hnawt or ttawl loin Lei zong hi thianh hlimh lengmang ding mi asi.

Na Kaa rim a chiat tawn asi ahcun na Lei zong kha na ttawl tawn lai. Kan Lei ah hin bacteria a um kho tawn i, cu nih cun rimchia fak piin a tuah khawh tawn. Cutikah Ti tampi in din ding asi. Kaa chung a rocar ah hin Cil zong atlawm i Cil a tlawm ahcun eimi rawl pelpawi le bacteria kha kaa chungah saupi an um tawn.

Cu thil nih cun kaa rim a chiater khawh. Curuang ahcun Ti tampi in dinpiak lengmang ding asi. Coffee siseh Zu siseh Kuak le adang sii tibantuk kan ei caan zongah hin Kan Kaa hi a rocar kho mi a si rih. Cucaah Ti hi tampi in dinpiak lengmang ding asi. Ti din tikah hin voikhat lo ah tampi ding lo in a caan aneih hlat zohpiak thiam in dinpiak ding asi.

Cun thil pakhat kan ei khawh paoh ah hin Haa i ttawl peng ding asi. Nikhat ah voihnih lawng na Ha nai ttawl mi kha aza ko tiah na ruah men hnga. Asinain a rak za lo. Kan Haa ah kan eimi thil kha atang i, kan ttawl lo asi ahcun cu nih cun bacteria akarhter i, Kaa rim a chiatter khawh. Cucaah thil na ei khawh paoh ah na Ha i ttawl peng kha attha bik asi i, Kaa rim a chiami zong kha atthater lai.

Kaa rimchiat konghe pehtlaiin vun langhter cangmi a cunglei pawl hi na tuah ko nain na Kaa rim a chiat peng ko rih a si ahcun Haa lei sibawi sin ah nai zohter ahau cang lai. Acung kan chim cia bangin ei le din ruangah ka rim a chiami hi cu ha nawh or ha ttawlnak in thianhhlimh ahcun kaa rim achiami kha an lo tawn. Nain kan thianh hlimh ko buin a rim achiat peng ahcun Ha lei sibawi sin ah i zohter ding.

Be the first to comment

Leave a Reply

Your email address will not be published.


*