GOOD NEWS: THAWNGTTHA BAK ASI. UAR AN UM KHOTUK

Hakha Penguk Zung riantuan pawl zung kai dih ding fial an si nain, kai an i tim loRalkap uk kan duh lo ti langhternak ca ah duhlonak lam a zawh ve mi Hakha Penguk Zung riantuan hna cu an pu le nih 2021 February 10 zaanlei sang ah an auh hna i, “Zung nan kai lai,” tiah an ti hna nain zungkai an i tim rih lo tiah theih a si. Cozah lei rianngei tu hna nih tuzaan an auh hna nak kong he pehtlai in rianngei tu min langhter duh lo pakhat nih, “2021 February 8 lio ahkhan Civil Disobedience Movement tuah ding in mizapi sin ah thanh dih cio a si.

Keimah zong hi CDM tuah ding an ti ca ah kha ni kha ka rak kai lo, inn ah ka um. Cun, midang keimah sin i a tuan mi hna zong hi CDM tuah ding ka hrihawh hna fawn lo. Kha ni kha ka dam lo, ka lufah he aa tong ve. Ka naule ka chawnh hna tik ah nan kai maw ka ti hna i kan kai lo an ka ti ve. Kan kai lo tik ah kan pu ni an kan chawnh i rak ra ta uh an kan ti. Cozah riantuan kan si ca ah kan pu nih an kan auh mi cu zeidah a si hnga tiah ka va kal i zung a rak kai lomi hi kan dihlak ah minung 34 bak kan rak si.

Kan zung riantuantu dihlak hi minung 280 leeng kan si. Nihin i lam kan zawhmi kong he pehtlai in kan pu le nih an kan auh i kan va kal tik ah, nan lungput, nan tuar ning kan in theihthiampiak hna. Asinain, atu lamzawh tiang nan tuah hi cu a luan deuh lo maw? Midang zung cu hmanthlak lawng an i post ko. Asinain, atu hi kan in ngaihthiam hna, thaizing zung rak kai uh an kan ti.

Kanmah pumpak lei nih cun zungkai kan i tim lo,” tiah tuzaan i thawngfiannak a tuahnak hmun ah a chim. Nihin i a voi linak Hakha khuapi chung lamzawhnak ah Cozah riantuan minung tampi an i tel i, hi chung ah Penguk Zung riantuan hna zong minung tampi an i tel ve. Lamzawhnak a dih le cangka in an auh hna i, atu bantuk in an pu le hmai zong ah biakhiahnak an tuah hi a si. Credit: The Hakha Post.

Dr. Sasa Lungfahnak Le Tahnak: Ka tapmi hi mibuu phukhat ruangah sualnak ngeilo mipi an nunnak an liam ruang le, ram hruaitu hna tlaih le thongthlak an si ruang le, kan ram thanchonak a nuar tuk lai ca le, kan ram mipi Covid runvennak sii an i chunh khawh lai lo caah le A rawkmi thilri, kan sunghmi kan caan vialte ka siang lo ca le, tarnu tarpa, upa ngakchia dihlak leng chuak lam an zawhmi ka hmuh hna caah ka lungfahnak kaa sum kho lo i, ka tap.

Kanmah Kawlram mipi hna hi zeibantuk chiatserhnak dah kan ing timi a ruah i, kupbil in thla a cam. Ramdangmi Cawlhcanghnak: Kawlram kongah vawlei cung ramdang hna nih zei an kan rel lo a si lo. Vawlei cungpi riantuan ding ah ahcun tha tein meeting tuah a herh. Ramkhat ramhnih lawng in cawlcang men a ngah lo. Vawlei cung phunglam ning in riantuan a herh. Kawlram mibuu phu khat (ralkap phu) bantukin duhmi paoh tuah sawhsawh a ngah lo.

American cozah zong hi cozah thar an ithleng ka lio a si caah an ithlak kho rih lo. American hi Trump cozah si rih sehlaw, an cawl tuan deuh lai ka zumh. Uknak lak hmanh hi a um men hnga lo.China le Russia nih hin Trump cozah an ttih tiah ka ruah. American cozah thar zong ah an kan tlangtlak thiamthiam lai. Tlawmpal an rau deuh caaah a si. Cucaah lungsau tein hngak rih ko u sih. Keimah telh in Kawlram mipi dihlak nih a rannak in ramdang tlangtlak kan duh.

A caan a phan te lai. CDM tu ah itel khawh izuam cio uh tiah kan sawm hna. Kawlram mipi hnuchir hlah usih. Kan lung thumh hlah usih. Lungsau tein hmaifong usih. Teinak cu kan pawng ah a um. A cung sang hlorh kho ding in thazaang la usih. Democracy raldohnak kan tei ahcun Kawlram hi a thacho colh lai tiah ka zumh. Dr. Sasa, Note: Dawt Dawt facebook in a thlah chinmi a si. We Love Dr. Sasa

Be the first to comment

Leave a Reply

Your email address will not be published.


*