Dr, SaSa Kongah Zangfah Nawl Nak

Laimi nih theih dih in Dr  SaSa soisel hi ngol cang hna uh sih Dr. Sasa nih Chin mipi dihlak sin ah a dik lomi thawngpang le pumpak thangchiat nak chim ti lo ding in nawlpatnak a tuah.“Zaangfah kan nawl tthan ko hna. A dik lomi thawngpang, thawngpang deuh zamh hi ngol cang uh, pumpak soiselnak, thangchiat nak le huatnak biachim hi ngol cang hram uh. Pathian nih kan miphun le kan ram thluachuah tu kan pe ko seh” tiah a tarlangh hi asi.

I once again appeal to all my beloved people to please stop spreading the fake news, personal attacks and hate speeches. May God Bless our people and Country tiah Dr. Sasa nih cun a tial.Salai Zing Hmuh timi facebook account in Dr. Sasa konglam le a sining kong timi cabia thlah a si tlawmpal ah Dr. Sasa nih a tu bantuk in Chin mipi dihlak sin ah nawlpatnak ca a rak tial colh ve hi asi.Salai Zing Hmuh timi nih a tial mi cu a tanglei bantuk hin a si. Dr. Sa Sa tiah mipi nih hngalhmi Maung Taing San hi Armenia ram Yerevan State Medical University ah siibawi a rak kaimi a si.

Pakhatnak. Hi Sianginn a kainak ahhin India Citizenship aa tlaih i India Passport in sianginn a kaimi a si. Cucu Kawlram zong siseh India nih siseh an pom veve lomi a si.Pahnihnak. Cun Yerevan State Medical University ahcun camipuai rak sungh caah voi hnih tiang phit thannak nawl an pek nain a phit duh tilo caah sianginn kan phuah tiah an sianginn nih 2008 September thla ah ca an rak chuah. Cucu a tang i Mirang ca in ka thil chihmi khi a si.

Pathumnak. Cuka a sungh hnu cun England ram lamkam sianginn cozah zong nih hngalhpi set lomi in siibawi degree cu a lak.Palinak. Mautam bawmhnak kong i thil sining hlat ruah ah Mizo ram Aizawl khuapi ah Mirang nu he an phan. Sihmanhsehlaw Mirang nu cu hotel chungah a erh i Mautam bawmhnak ca rian a tuanmi Community leader pawl siseh hartong mi hna he zong tonter duh loin amah lawng nih a ton hna i information vialte amah lawng nih aa hum dih. Cu ruangah mirang nu nih a thlahtu organization sinah report a tuah i fak piin an rak buai. (CHRO nih hi kongah a chung thil sining an phuan duh rih lomi a tampi, Cherry Zahau zong nih a herh ahcun a phuan te lai ka zumh.)

Panganak. Lailenpi khua i Airstrip an tuahmi khi Mission Avation Fellowship nih an tuahmi a si i cucu England Siangpahrang chungkhar nih bawmhmi bantuk hna in Dr. Sa Sa nih England Siangpahrang te chungkhar he hman an ithlakmi hna facebook ah post in ca a rak tial caah MAF cu biatak tein an ngaih a chia. An lung a fak i January 7, 2020 zongah Yangon ah Press release an tuah i thil sining an fianter.

A herh rihmi USD sing hnih fai ca zong thawh an duh set tilo caah tu tiang rian aa lim khawh lonak a si.Paruknak. 2015 Hakha kokek puicimh le harton lio zongah US embassy hmai i hman aa thlak tthingmi kha ipost zau in Hakha nan lungrethei hlah uh bawmhnak cu zat kan hal piak hna tiah a post. Cu kongah a tawlreltu upa tampi zong an ngaih a rak chia. Hakha Rescue Committee nih Hakha kokek harnak ca bawmhnak a pemi cazin an khumh mi chungah Dr. Sa Sa min hrimhrim aa tel lo.

(Pumpak soisel le doh siloin kan miphun caah hruaitu pakhat mizapi nih arfi bang kan i zohthla tukmi hna an sining dik hi kan hngalh cio ah a tha tiah ka ruah caah tu bantuk in ka hun tialnak a si) tiah Salai Zing Hmuh nih cun a tial hi asi.

Crd:

Be the first to comment

Leave a Reply

Your email address will not be published.


*