SALAI CEU BIK THAWNG BIALEH NING KA HMUH NING KA VUN LANGHTER

Salai Ceu Bik Thawng nih Sayakyi Tluang Za Thang a leh mi ah ka hmuh ning. Ceu Bik Thawng nih a leh mi pawl hi kan herh mi cu a si ko nain Chin mi le kanmah bantuk in tlaangcung minih cun kanherh bik mi a silo ,kan herh mi cu Pakhatnak ah Phunghram remh nak.Pahnihnak ah Mah te in khuakhan lairel nak. Pathumnak ah, A dik mi Democracy le Federal hi a si .

Ceu Bik Thawng nih a leh mi kan zoh tuah Lai, Miphun Ni (CND) zung khar ni ah ser ding, Chin State ramri an kan enmi pawl khuakhirh than ding, Chin Act upadi fehter than i Chin nunphung (customary) vialte kilven ding, Kan biakinn pawl biaknak laisen ngah dih ding, Kokek thilmansung ngunkhuai thenphawtnak covo ngah ding, Nuhrin holh in cacawnnak (Mother Tongue Based Education System),

Hi a leh mi pawl hi cu an tuah khawh ko zong ah CNF le tlaangcung mi nih tinh mi a cung i pa 3 kattial mi khi kan hmuh hlan lo cu zei ankan pek zong ah eibar a chuak lai lo ticu Chin ram ah a um bal mi nih cun theih dih a siko lai .Taluk nih ngasa ei a duh micu ngasa hleh hlah uh a sio ning tu chim uh anti bantuk in CND zungkhar ni ah ankantuah piak cu kanduh ko na in kan mah tein tuahnak nawl ngeih hmasa a ttha deuh.

Zeidang vial hmuh lo in CND zungkhar ni ah an kantuah piak ding zong cu Kawl nih an kan upat kanti kho hlei lai lo. Cun ramrii kong zong a dik mi phunghram le democracy kan ngah i Federal kan ngah hnu long ah a hmun mi ramrii kong cu chim khawh a silai . A dang a ttial mi pawl lebang hicu kanmah te in khuakhan lairel nak kanngeih ahcun chim hau lo in a mah rat in a rading longte a si.

Cu caah ram pakhat le miphun pakhat caah rianttuan aitim mi nih an i tinh nak zoh tik ah CNF nih an kantimh pi mi Mah te in khuakhan lairel nak, A dik mi democracy hmuh nak, Federal pawl a um longlong ah a sikho ding longte a si tiah kahmuh ning a si pin ah Chin mi nih kanherh bik mi ansi lo tiah kahmuh.Full democracry a um cia nak ram pawl nih an tuah mi longte a chim tiah kei nih cun ka ruah.

Cu caah rawlttam lio ah Angki kanherh lo bantuk in ,ramrii kong a si ah ,fim cawn nak a si ah,Biak inn laisen kong vialte zong ro kanrel khawh nak ding caah le a hmunh nak ding caah cun a hram pi a simi CNF tinh pi mi ah i hngat kan hau hna ,a cung i Salai Ceu Bik Thanwg nih Sayakyi Tluang Za Thang a leh mi pawl hicu CNF tinh pi mi le a tu lio Suu kyi tinh pi mi sin ahcun ( ttuli muli ) chimtlak lo a si tiah a tu lio kan i tinh mi le zungzal caah a silo tikha carel tu vial te theih in chim ka duh mi a si.Aho rem lo silo in a tu lio kanram dir hmun le kan herh mi dir hmun tu kattial mi a si ve tikha chim chap ka duh. Credit: A Le Nichin

Be the first to comment

Leave a Reply

Your email address will not be published.


*