RALKAP DOHNAK AH KA THAA A BA NAISAI LO ATIMI LAIPA UAR AUM TUK

South, Korea khuasami Salai Dennis Vantha Lian nih ralkap uknak laakmi duhlonak langhternak ah atanglei cataar he Gwanghwamun timi hmun Korea President Inn (Blue House), US Embassy Zung le Foreign Zung pawngkam zalam tonnak ah amah pumpak cataar thlir in duhlonak a langhter. Kawlram ralkap nih uknak an laakmi cung ah lungtlin lonak le mizapi thimmi acozah sinah lairelnak peek zau ding,

May be an image of one or more people and text that says "200 00SE 미안마 군부는 쿠테타를 즉각 종료하라. 2. 군부는 문민정부에게 권력을 즉각 이양하라. 3. 가택연금을 당한 국가고문과 대통령, 주지사들, 정치운동가들 모두 즉각 석방하라. 국제기구들이 미안마 독재자를 처벌하라."

Ralkap nih hrenmi rampi President le Daw Aung San Suu Kyi, thimnak ah teinak a hmumi MPs hna le ramkhel cawlcangtu cheukhat thlah zau ding, ramkip hruaitu upa hna nih ralkap acozah cungah dantatnak peek piak ding tipawl aa telmi cataar ken in duhlonak langhternak a tuah hi a si. Tulio Korea Covid-19 kan boruak sining nih a kan peek lo caah sikhawh tawkte in pumpak thazang hun chuah ve nak nih tlawmte cu ka thawchuah a rem ter deuh.A ra thluahmah rih lai. Ralkap uknak tthalo dohnak ah ka tha a baa lai lo. Pathian, kan dirpi zungzal law kan thlacamnak kan let hram ko tiah amah pumpak facebook cahmai ah a langhter. Photo: Mang Khar Tuu Dennis. Laknak: The Chinland Post.

No description available.

Relchih: Write, call, or both, to your Congressman/MP and Senators. RAMLENG UMMI NIH A RAN NAK IN TUAH DING: Tuzanlei ah US Senators 14 nih Secretary of State (US ramdang lei minister) kha ca an pek. Burma ram kong ah biatak tein le fakpi in hma lak a hau. Cu ti hmalak nak na tuah nak ah aherh ning in kan in dirpi lai timi ca an chuah.Tuchun ah US I kan hawile asimi Burma ram kong ah kumtampi rian kan ttuantti mi hna nih President Biden nih Burma ram he pehtlai in Executive Order a chuah khawh nak ding ah thil sining rak chim ding in an kan sawm caah zeibia dah kan chim ah athat lai timi konghe pehtlai in biaruah nak kan nei kho. Cu kan hawi le nih White House ah President Biden cu Burma ram thil acang mi kong he pehtlai in bia an va ruah lai.

Cu pin ah US Senate ah bia an va ruah rih hna lai I State Department zong ah bia an va ruah hna lai. Covid 19 Pandemic lio asi caah kan mah kan kal kholo. TUAH DING: US aum mi nih nan mah le nan um nak cio I senators pawl le Congressman pawl kha phone in chawn hna u asi lo ah email/ ca kua hna ulaw Burma ram thil a cang mi kong ah hmul a nei bik in rak kan ttanpi u tiah catial, phone chonh, email kuat ding an si lai.State kip in rak tuah cio ding asi lai. Cun Australia I a um mi zong nih mah ti ning cu rak tuah ve uh. Europe le ka dangdang I a um mi ramleng I aum mi poh nih mah cu rak tah u.

Zei caah dah mah cu kan tuah ahauh? UN Secretary General hrimhrim nih Kawl ralkap nih uknak an lak mi hi hma kal kho lo ding in ramkip nih kan izuam lai ati.UN nih Burma ram ah biapi taktak minung pahnih a thlah mi hna an um.Pakhatnak. Cu UN Secretary General Special Envoy to Burma ti asi I Politics kong he pehtlai in a tlai mi asi. UNO General Secretary nih direct in a mah aiawh ah athlah mi asi. Mah cu nu cu Switzerland nih Thailand ah Ambassador a rak ttuan mi nu asi. A vapa zong Switzerlannd nih Burma ram ah an rak thlah mi Ambassador asi. Nizan UN Security Council nih thanhca an chuah mi ah Security council nih mah Envoy nu hi rianfak pi in a ttuan khawh nak ding ah kan dirpi lai ti asi.

Pahnihnak. A dang pakhat cu nuhrin covo lei ah UNO nih Burma ah a thlah mi UN Special Rapporteur on Human Rights on Burma ti asi. Mah cu nu zong cu tu UN Security council ah direct in Burma ram kong report a pe mi asi.UN Secretary General Special Envoy office he pehtlai te in kan ichawn kho. Ahlan te in a rak ithei hngal mi kan si caah. Asi khawh chung in Ralkap uknak Burma ah a um than lo nak ding ah an izuam. Rian fakpi in an ttuan cuahmah.UN Special Rapporteur on Human rights zong tu chun ah CHRO nih brief kan tuah. An mah office zong pehtlai te in kan I chonh peng mi an si. Kan mah mipi ramchung ramleng biatak te in kan ttan tti abiapi. Kan ti khawh nak lam cio in fak pi in thazaang chuah hna usih. Ralkap nih uknak an lak mi a hram a thlak hlan ah kan phuk a hau.Credit: Salai Bawi Lian Mang

Be the first to comment

Leave a Reply

Your email address will not be published.


*