RALTTHA TAKTAK IN A VUN THUAT KO CANG HNA HI, ATURU KO

Dr. Hmuh Thang Te, Salai Lian Luai Te Sui thio Te Zo Bawi Te Henry Van Thio Te Ni Sui LianTe Pawl Na Dirkamh Hna Khi Miphun Na Zuar Si. A cung tlangpi ka tial mi kha felfai tein na rel le lungfim tein na rel pah i na ruah ahcun sarman ding hmanh khi a um loh, mah ah khin a tling viar mi a si ko nain a fiang duhlo pawl caah tlawmpal ka van langhter lai. A tu i ka van tarmi pawl hna khi Chin miphun ah cathiam le mifim le mitha tiah kan ruah mi hna le kan upat ngaingai mi hna.

Cun kan uar ngaingai cio mi hna an si i,kan miphun nih mah hna bantuk kan ngeih khawh hi kan van a thatuk titiangin a chim mi zong an um cio ko hna khah,mah cu a dik mi a si ko. Asinain a tu an dirhmun zoh tik le an dirnak ruah tikah miphun le ram a daw taktak mi caah cun lungtu a faak ngaingai. Aruang cu, miphun dirkamhcaan a si lio ah heh tiin myanmar ram pumpi aiawhtu party a si lo mi,Kawl fangfaak lawng a si mi le kawl cathatnak lawng a tuak ko rih mi hna party hna i an um tik ah hin lung a nuam lo i lungfah a zualter ngaingai tu minung ah an ichuah. Mah hna pawl khi a ngaingai kan ti ahcun, Chin miphun mipi nih kan hrawh mi hna an si.

Mipi hna nih miphun dawtnak le ttanhnak thinlung kan ngeih loruangah mah le khua le peng le tlang le chungkhat tiin ttanhnak kan kalpi tikah an nih kha vote kan peek hna i kawl an tha a tthawnnak dingah ATU SI kan peek hna kha kan hngal lo i,kan tlinter hna,mah cu nih cun kan miphun le ram a damnak dinglam a kan kham ti hi kan ifian khawhlo caah a si ti mi hi a fiang bak mi a si. An ttuan chungah thiltha tampi cu an tuah khawh men i,mahbantuk in thil thalo tampi zong an tuah khawh ve thiam.

Mah i hmuh khawhlo in Chinram le miphun caah thil tha lo taktak a tuahtu cu an mah Chin Mp pawl hna hi an si,zeidah mah an tuah mi cu a si?an ka in cun Chinram le miphun hi irawk seh an ti lo. Asinain, an MP sinak khan kan miphun le ram nih a herh mi nuhrin covo kan ingeih cang mi, hranhraam in a kan chuttu kawl miphun sinah, Chin miphun le ram nih nuhrin covo an ngei tawn mi kha laak than kan duhlo e tiah tlangau bantuk pakhat khi an si.

Cucaah,Chin a si ko nain mah miphun party mp candidate pawl ttanhnak le vote duhnak ngeihlo riangmang in mah hna pawl khi ka khua khat e ka tlang khat e ka chungkhat e tiin vote pe ulaw, vote hna usilaw tiah a au lengmang mi Chin mipawl khi Chinram le miphun a zuartu diktak cu kan si ti hi a tu te hin ifiang hna usilaw kan nuhrin covo kan ngeih cang mi, kawl nih an kan chuh mi kha awl deuh khin kan hei laak khawh kohnga ti hi a si. Efisa 5:15-16, Zeitindah kan nuncan a si ti kha ṭha tein i zoh u. Mihrut bantukin um hlah u, mifim bantukin um u. 16Atu kan nikhua hi caan chia a si caah, caan ṭha nan hmuhmi paohpaoh kha ṭha tein hman i zuam u.By Tin Duh Thang

Be the first to comment

Leave a Reply

Your email address will not be published.


*