PHAN DING PAKHAT HMANH TRUMP CAAH A UM TI LO, NAWLPEK ASI

Donald Trump nih thimnak kongah Martial Law, Ralkap uknak upadi ahmang deng cang maw timi kong an langhter. Georgia state nih a voithumnak vote result an thanh tthanmi ah Joe Biden hi teitu asi ko tiah an langhter. Hi ruangah Donald Trump nih ralkap uknak upadi ahman khawh cangmi asi tiah minung tampi hna nih an zumh cang.

Nai hrawnghrang ah US ralkap pawl hna cu an rak tlung thluahmah cang hna ti asi. Culawng siloin Trump nih amah adohkalh lengmang mi Defence Secretary Mark Esper cu arian in a chuah hnu ah Christopher C Miller cu a thim tthan i, amah nih Defence hruaitu tthenkhat hna cu a chuahpah hna ti asi. Hi konglam siseh US thimnak kong avun buai caah Trump nih aduh lotuk buin Martial Law hi athanh te lai tiah an chim.

Martial Law hi US phunghrampi nih a onhmi asi. Sihmanhsehlaw Martial Law vun thanh hi attihnung taktak mi asi caah Donald Trump nih hin athanh azum lomi an um. Aruang cu Donald Trump hi America adaw taktak mi asi caah asi. Nain hi thil athanh ahcun amah lila zong ai ruat ngaingai ko lai ti asi i, amah zong alung attha lem lai lo tiah an chim chih.

Zeitluk hmanh hi phunglam hman dingah har hmanhsehlaw America thatnak ding le sersiam nak caah, ning cangloin hruaitu ah airuatmi hna khenkhamnak dingah cun Martial Law zong hi hman khawh mi asi. Thimnak kongah alungtlin lomi an tamtuk caah Civil War zong a chuak kho mi asi. Cucaah Martial Law hi hman asi kho men. Ralkap lutlai tthenkhat hna nih Trump cu Martial Law hman dingin an forfial ngai cang hna.

Hi konghe pehtlaiin The Epoch Times nih a langhter ning ahcun President Donald Trump nih mipi hna hmaika ah caan rau lo te ah thil biapi taktak a chuakmi nan hmuh lai ati tiah alanghter. Atu in a rauh hlan chungah abiapi taktak mi thil nan hmuh colh lai tiah a chim. Hi bia a chimmi hi White House a chuahtak lai lo timi alanghter ko tiah an chim.

Relchih aduhmi caah. US thimnak kongah Trump legal team abawmtu Attorney minthang le paralttha asimi Sidney Powell nih Michigan State ah Lawsuit atuahmi cu Michigan Federal biacaihtu Linda Parker nih a cohlanpiak lo tiah One American News nih alanghter. Federal Biacaihtu Linda Parker hi Obama chan ah Federal biacaihtu ah rak thimmi asi. Tutan ah attorney minthang Sidney Powell nih a chuahpimi Michigan state nih an cohlan lo tikah US biacaihnak sangbik Supreme Court phaknak dingah caanttha asi cang maw sicang lomi hi biahalnak a ummi cu a si.

Trump legal team hna nih video clip tiangin tehte an langhter ko nain Georgia state Governor nih cun zeihmanh thimnak ah adik lomi kan hmu lo tiah a chim. Donald Trump cu Georgia state ah a sung i, Joe Biden thiamthiam teinak a hmu mi asi ko tiah Governor nih a tinain Georgia state republican Legislator, Senator le House of Representative hna nih zeihmanh biachahnak an tuahmi a um rih lo.

Hi konghe pehtlaiin One American News nih Biden vote a hmuh ning le lih le hrokhrawl in vote akal ning cu hitihin a langhter. Pensylvania ah 81,000, Vote hmanlo 121,000. Wisconsin ah 20,000, Vote hman lo 200,000. Arizona ah 10,000, Vote hmanlo 300,000. Michigan ah 154,000, vote hman lo 548,000. Georgia ah 12,000, vote hmanlo 20,000. Cun Democrats pennak Nevada ah Biden vote sining le a dirhmun cu hitihin an langhter tthan. 33,000, Mithi vote 1,500, aitthial cangmi 2,500, Leihsa um lomi 8,000, Sipuazi tama pawl 15,000, State dangah a ummi 42,000, Vote firmi 95,000 hi vialte hi an langhter.

Be the first to comment

Leave a Reply

Your email address will not be published.


*