LAIMI CHUNGAH HIBANTUK MINUNG KAN UM HI CU APOI KO

Laimi chungah mah bantuk tiang thil a um hi cu a poi ko mu.. kan chin mi chungin CDM tuah duh loin zung tu a kai peng. A chungkhar lei har tuk ruang maw si hnga? A mah lei zong nih biachimnak ngei kho seh law a ttha ngai hnga. CDM a tuah duh lo ruang ah a um nak sang mino pawl nih ralrin nak an pek. Ralrinnak an pek mi hi Pi Naomi Lian a si.

Hi konghe pehtlaiin Hakha Chin Oo Sii Sang mino hna nih an sangah a ummi Pi Noami Lian cu ralrinnak an pek cang, Hi bantuk in thil na tuah tthan asi ahcun kan in zoh sawhsawh ti lai lo tiah warning an pek. Hakha Chin Oo Sii mino nih an timi cu Ralrinpeknak: Hakha Chin Oo Sii Sang khuasa Pi Noami Lian nangmah cu CDM tuah lo in zung na kai peng.

May be an image of 1 person and text

Culawng si loin CDM cawlcanghnak Palek le Ralkap sinah thawng na thanh tawn hna ti kan theih. RAK I RALRING! Hihnu zung na kai mi le Palek, Ralkap sinah CDM cawlcanghnak kong thawng na thanhmi kan theih rih ahcun Sang Mino le Hakha Mino hna nih a herhning in tuanvo kan in lak lai tiah nizan 2021 Febuary 28 ah Chin Oo Sii Mino Bu nih thanhnak an tuah. Credit: COSMB

Relchih: Tuchun Kawlram thilcang cu khuaruahhar asi ko, Palik zong biatak tein an cawlcaang, Mipi zong biatak tein an cawlcang ve, Tuchun thil sining kan vun langhter lai. Ralkap duhlonak langhter in mipi lamzawhtu hna cu palik le ralkap hna nih tthawldawi an timh hna i, mitthli tlaknak gear gas siseh, khairiat kuan rubber bullet lawng siloin meithal kuan taktak tiangin tthihpheihnak an tuah hna. Asinain mipi hna nih an ttih nemmam lo, lamzawhnak cu hmunkip kaakip ramchung vialte ah an langhter thiamthiam.

Tuchun lamzawhnak atuahmi zong ahlan bantukin minung tampi an si hna. Hmun tampi ah palik hna nih lamzawhtu mipi hna hriamnam he tthawdawi an timh hna nain mipi nih an pah chih thiamthiam hna. Asinain palik nih meithal an hman ruangah minung pahnih thum hrawng an nunnak aliam tiah theih asi.Hi konghe pehtlaiin tuchun thilcang kongah Irrawady thawngzamhnak nih alanghtermi chungin atlangpi huap in langhtermi cu hi bangin a si.

Shan state Lashio khuapi ah mipi tampi hna cu lamzawhnak an tuah hna. Cu lamzawhnak atuahmi hna cu ralkap le palik hna i bawm in mitthli tlaknak tear gas in an kah hna lawng siloin Ti tiangin an kah hna caah an zam dih.Hi ruangah minung thenkhat hna cu hliamhma zong atuarmi an um ti asi. Hi hnu ah mipi an i funtom tthan i, lamzawhnak cu an pehzulh tthan ti asi. Mandalay 62 Lampi zongah mipi tthutpi in duhlonak alanghtermi hna cu security force hna nih tthawdawi an timh hna i, lam vialte zong an kham dih.

Cun Rangon Hledan, Kamayut, Bayata yung lam ah mipi lamzawhnak tuah dingin aa pummi hna cu, Palik pawl nih thazaang hmangin an tthawdawi hna. Cupin ah Insein Yuama siangin lam ah lamzawhnak atuahmi hna zong hruhraang in an tthawl rih hna tiah an langhter. Cun Myindain ah sianginn cachimtu hna zong lamzawhnak an tuah i, mitthli tlaknak gas in tthawdawi an timh rih hna. Tuchun zingka suimilam pariat hrawngah lamzawhnak tuah atimmi hna an i hngah lio ah palik motor cu ruahlopi in a rak phan.

Cu bak cun tear gas in an kah colh hna. Cachimtu pa lawngte minung pariat le nu pahnih hna zong an tleih hna. Hi lio ah lungzawtnak angeimi nu pakhat cu a zawtnak ruahlopi in achuah caah a nunnak liam ti asi. Zanlei zongah minung thong tampi hna cu lamzawhnak an tuah tthan i, sangkip an cul dih. Palik pawl an rat khawh lonak dingah sang minung hna nih lam vialte an phihkhar dih ti asi. suimilam pahra hrawngah palik nih an kah hna caah Mini kung lei ah lamzawhnak atuahmi hna cu zanlei ah lamzawhnak an tuah thiamthiam.

Zingah hin palik nih hruhrang in hriamnam an in an tthawldawi hna ti asi. Tuchun Rangon khuapi ah lamzawhnak atuahmi hna hi, palik le ralkap hna nih buainak an tuah dih hna tiah an langhter. Mini Kung ah motor ah a cuangmi minung pakhat zong akut pathum alanghter caah an tleih ti asi.Ngandamnak lei rianttuan dingin sianginn akaimi hna cu Yankin Towship ah lamzawhnak an tuah hna i, palik le ralkap nih an tthawl dih hna.

Hledan zongah tuzing ah khan mipi lamzawhnak atuahmi hna cu palik pawl nih meithal in an kah hna i, hliamhma atuarmi le a nunnak a liammi an um. Asinain lamzawhnak cu an pehzulh thiamthiam khawh. Tuchun lamzawhnak atuahmi chungah tthenkhat cu i phenhnak zong an hman ti asi. Hi konghe pehtlaiin Dawei khuapi ah lamzawhnak atuahmi hna cu palik le ralkap nih tthawldawi an timhnak ruangah minung pali an nunnak aliam i, hliamhma atuarmi zong minung zeimawzat an si.

Cun Kachin state Myitkyina khuapi zongah lamzawhtu hna chungah minung pahnih hliamhma an tuar i, Journalist pakhat zong an tleih tiah an chim. Tutan ah an tleihmi Journalist hi 74 Media TV Correspondent asi i, palik nih lamzawhnak atuahtu pawl an tthuat cuahmah lio ah video in arak hna caah an tleih mi asi. Tuchun ah palik hna nih hin lamzawhnak atuahmi lawng siloin inn chungah alutmi hna zong an dawi hna i, an tleih hna tiah an langhter. Sihmanhsehlaw palik nih biatak tein an thawldawi ko hna nain mipi vialte hna cu hmunkhat ah lamzawhnak an tuah tthiamthiam dih kho hna. Palik pawl nih mipi an deihter kho hlei hna lo.

Be the first to comment

Leave a Reply

Your email address will not be published.


*