RALKAP CAAH CUN THINPHANG TUK SI CANG, US A VUN I THLAK CANG

Myanmar Kong ah US a Holh Colh Cang. Ralkap nih Myanmar ram uknak an lakmi kong ah US nih cathanh a chuah colh. An tuahmi an ngollo cun Action kan lak lai tiah ralrin peknak bia a chim.Myanmar ram thilcang kong he pehtlai in Nation Security Advisor nih President Biden sin ah fianternak a tuah cang.. Myanmar ram thimnak phichuak thlennawn timh cawlcanghnak le Myanmar Democracy thlennak donhkhanh i zuam US nih kan cohlang lo.

Atu thil sining kong ah ttuanvo ngeitu hna nih an ngol lo ahcun US nih action kan lak lai…Democracy le Remdaihnak kong ah temh-innak a caan saupi a tong cangmi Myanmar rammi hna he fek tein kan dir tti,” tiah US White House nih cathanh a chuah. Note: A tawifiannak bik in kan lehmi a si.

May be an image of text

Myanmar Vice President (1) U Myint Swe (USDP) nih Myanmar President rian a tlaih chung.Phunghrampi Pohma 417 ning in Emergency sining kan phan tiah thawng an thanh i, rampi uknak zong an lak cang. November 8, 2020 thimnak ah vote ningcang loin thlaknak tam tuk a um nain acozah lei nih an chimphoih duh lo ruang ah le Amyotha Hluttaw le

Pyituh Hluttaw thawk caan kan thawnpiak u tiah kan halmi an kan zulh duh lo ruang ah phunghrampi pohma 417 ning in Emergency sining kan phan tiah thawng kan thanh. Cun, phunghrampi pohma 418 (a) ning in Myanmar uknak cu ralkap bawizik kut ah ap a si cang,” tiah ralkap thawngzamhnak MWD hmang in thawng an thanh. Credit: TCJ

Ralkap Nih Aung San Suu Kyi An Tlaih:Civil cozah le ralkap karlak buaibainak linhsat lei a panh chinchin lio pi ah a tu bantukin thinphan thlalauhnak thawngpang a vun chuak taktak ko cang.November Election lio ah khan cozah dirh (form) kho dingin NLD nih teinak a hmuh. Asinain, vote firnak an tuah le si, tiin ralkap lei nih an chim.Myanmar hi 2011 hlan chung paoh kha ralkap nih an uk. Suu Kyi hi kum tampi a inn ah erh a si bal cang.Thim tharmi Lower House (Ohhluatdaw) nih nihin Monday ah hin tonnak hmasabik ngeih an i tim nain, ralkap lei nih a ni an thawnter hna.Naypytaw le Yangon lam kip ah ralkap an um lulh, tiah BBC South East Asia thawnglatu Jonathan Head nih a chim.

Pi Suu Kyi, President Win Myint le a dang hruaitu pawl cu tuzing zingka te ah ralkap nih an tlaih hna, tiin NLD aiawhbiachimtu Myo Nyunt nih Reuters news agency sinah phone in a chim.Mipi nih faaktuk in lehrulhnak an tuah lai hi ka duhpiak hna lo. Phungningtein cawlcang hna seh, ti ka duh” tiin a chim.Khuapi tamdeuh ah cun internet data connections le phone line pawl zong hnursuan an tong manh cang. Kan seh ai rawk caah thawng kan thanh lo bia a si, tiin MRTV nih cun a chim. Khua tami ah a ummi chief ministers pawl cu an inn ah ralkap nih an va fuh hna i an tlaih hna, tiah an chungkhar pawl nih an chim.

Saturday tiangah khan cung phunghrampi kan zul ko lai, tiin an chim nain, a thlitein nawlngeihnak chuh (aana ting) an rak i tim ziar.𝐄𝐥𝐞𝐜𝐢𝐭𝐨𝐧 𝐚𝐡 𝐳𝐞𝐢𝐝𝐚𝐡 𝐚 𝐜𝐚𝐧𝐠? November 8 election ah khan NLD nih 83% tluk in teinak a hmuh i, Hlawttaw ah thutdan zaa lakin ai tonenh kho dirhmun a si. Suu Kyi cozah nih phung remhsiamnak (referendum) a tuah khawh cang lai, tiin mi tampi nih an hmuh. 2011 i ralkap uknak a dongh hnu ah tutan hi avoihnihnak election lawng a si rih.Asinain, election results kongah ralkap an lung a tling lo i, Supreme Court ah President le Election Commission chiar taza an cuai hna.Vote a tomtom in fir a um, tiin ralkap lei nih an chim hnu tein khan aana tingnak (coup) a um kho, tiin mipi cu an thinlawng an i domh cang. Tazacuainak an tuahmi cu Election Commission nih an hnonpiak hna. Credit: Chelsea Bawi

Be the first to comment

Leave a Reply

Your email address will not be published.


*