KAWLRALKAP CU AN ZEI HMANH APOI LO HRIMHRIM LAI

UN le ramdang cozah nih cun ralkap dohnak ah zei pipa an tuah khawh ding a um bak lo. Sipuazi phihnak le visa phihnak lawng an tuah khawh, cu nih cun ralkap harnak a pek lem lai lo, rammi lila harnak a kan pek lai.Sumilam 72 chung dai tein um rih ding timi bia zong khi ralkap hriamnam a si. Ni 3 chung ah ralkap nih a herhmi ralkap cozah tling tein ser dih i mizapi an thinhunnak daihter an duh bia a si lai.

Nithum hnu ah cun lam an zawh duh ti lai lo, an zawh zong ah ralkap cozah tling tein ser cia a si lai caah hmual ngei deuh in an control khawh cang hnga.Cheukhat nih lam zawh ahcun ‘ralkap nih aa-naa an ting dih sual lai, atu cu aa-naa an control lawng a si rih, an ting thlu rih lo’ timi biachawk an vahpi hoi. Atu khi an ting viar cang khi, ting ding a tang ti lo. Tuni lam zawh a um lo caah thaizing kip lei zong lam zawh a um hlei lai tiah ka zum lo. UN le ramdang cozah statement chuah luala hna cu ralkap nih zei hmanh ah an rel lai lo. Kan ram kong ruah ah lungthin a fak hringhran ko. Credit: Lungthlitum

Myanmar Ralkap Nih Aana An Ting Ruangah US Trade Le Butkeden Company Hnursuan An Tong Kho Tiah Experts Nih Ralrinbia An Thanh. US le Western Company hna nih Myanmar investment tuah duhnak lungthin an ngeihmi cu tutan i ralkap nih aana a tingmi nih hnursuan dih dawhdang a si cang. US company ngan cheukhat le bang cu i hlihphuah dawh dang an si ko cang, tiah trade experts le analysts pawl nih Monday ah khan an chim.2020 chung i thla 11 chung i Myanmar le US karlak chawlehthalnak man hi $.1.3 billion a phan manh. 2019 lio i kum khat chung i chawlehnak an hmanmi kha $1.2 billion lawng a rak si, tiah US Census Bureau data nih a chim.

US lei nih an kuatmi hnipuan le butkedan hi 41.4% hrawng hmunhma a la. Khualtlawnnak bag nih hin 30% tiang hmunhma a la ve. Nga nih hin 4% hrawng hmunhma a la ve, tiah S&P Global Market Intelligence i research a tuahtu Panjiva nih a chim.H&M le Adidas thilthittu company changtu ah hin Khualtlawnnak bag a sertu Samsonite le hniphuan a chuahtu LL Bean hi a nganbikmi company an si, tiah Panjiva nih a chim. US nih direct in investment a tuahnak data hmuhawk tha in a um lo, tiin US Trade Representative nih an chim.Monday ah khan Myanmar ralkapbu nih ralkap lubik General Min AUng Hlaing kut chungah nawlngeihnak (power) an ap i, vote firnak a um, tiin an ti caah kum khat chung lakhruak ramuknak nawl an i haikanh.

An tuahsernak nih Western ram hruaitu vialte an thin a phawh ngaingai hna i, US cozah nih Myanmar cungah a thar in phihkharnak (sanction) a tuah than khawh mi a si. Cun, Rohingya ralzaam minung million 1 kongah lungrethei a si chinchin cang.2019 December lio i Washington nih Myanmar cungah phihkharnak a tuah hnu i US-Myanmar pehthlainak hi tutan aana tingmi nih hin tampi a chiatchuah chinchin te lai i, chawlehthalnak kong i an i pehtlaihnak zong a hnursuan te khawhmi a si, tiah Woodrow Wilson International Center for Scholars ah analyst a si mi Lucas Myers nih a chim.

Chawlehnak he pehtlaiin, Rohingya boruak le Myanmar nih nuhrincovo a hnursuan mi nih hin China dah ti lo cu, Western company pawl an ning a tihter ngai hna,” tiah Myers nih a chim.Biden cozah nih hin nuhrincovo hi faakpiin ai hmaithlaak caah le tutan ralkap boruah hi a chaitkhattu caah, US company pawl hi Myanmar chuahtaak kho dirhmun an phan, tiah Center for Strategic and International Studies think thank ah trade expert a si mi William Reinsch nih a chim.

Kan hnung kum hrawng khan cun US Company pawl hi China i an company pawl cu riantuantu lahkhah tlawmte lawng pek khawhnak ram a si mi Myanmar lei ah an thial lulh hna. Asinain, ram chung inn le lo, lam le suul a thatlo tuk mi nih hin a hunghung in company dang pawl luut kho lo in a kham peng ko rih hna.Myanmar ram i US company pawl hi phaisa tam a hmangmi an si lem lo caah, fawite in ai thialkaam kho an si hna.

An company pawl hi electric lei he zong ai pehtlaimi an si lo caah, fawizangtein thialkaam khawh an si.Trade group members tampi hi Myanmar ah business an tuah hna i, tutan ralkap nih aana an tingmi kongah an lungre a thei ngaingai ko hna, tiah American Apparel & Footwear Association president Stephen Lamar nih a chim.Demicraticy covo le sersiamnak hi cop le cilh in tlingtein um kho seh, ti hi kan duhmi a si. Hi buaibainak hi khulrangtein le daitein le democratic muisam kengin tawlrel khawh a si nak lai Myanmar mipi nan caah thla kan in campiak hna.

Myanmar mipi nih heh tiah thazaang chuahin an hmuhchuahmi economic thanchonak hi tutan buainak nih a hrawhpiak hna lai kan duh hrimhrim lo,” tiin Lamar nih a chim.Kan cawlcanghnak tete hi thatein kan tawlrel ko hna. Phawzaamtu (suppliers) pawl he zong naihniamtein rian kan tuahti ko. Asinain, rian kan tuanning ding kongkau belte ah cop le cilh in thlennawnnak tuah kan i tim lem rih lo. Thil sining kan conh lio pi a si. Asinain, tutan boruak ruangah zeitindah hmai kan fon lai, timi hi kan chim duh lem rih lo, tiah H&M lei nih an chim. Credit: Chelsea Bawi

Be the first to comment

Leave a Reply

Your email address will not be published.


*