HIBANTUK A UMMI CU SAH COLH DING, AN DUH BAK VE MI AN SI

Ka uarmi nungak siseh ka uarmi tlangval nih hin a ka uar in a ka duh ve maw timi cu i chawnhbiaknak cakuat in theih khawh asi. Na cakuat an leh a tlai maw tlai lo timi i theih khawh asi. Na uarmi nungak or tlangval nih kan i chawnh tik ah aka uar pah ve ko timi cu fawite in na theih khawh cang lai. Cu na theih tikah cun zeibia paoh chimh le ruah khawh asi cang tinak khi asi.

Cun tutan ah an langhtermi ah hin Nungak tlangval ca lawngah siloin Kan Nupi siseh Kan Va le sihnaseh an mah zong hi a huap hna. Nu le Va karlak tu ahcun phun dang deuh asi. Nu le va karlak caah cun na ka ngai maw ngai lo. Keimah kong a ruat maw ruat lo timi theih khawh asi ve rih. Asinain tutan ahcun cabia nih ahuap ko caah nupi le va le kong tu cu kan langhter lai lo. Minung hi a thlithup te in uarmi ngeih dih asi.

Sihmanhsehlaw caan nawn duhnak bia a chim ngam lomi tampi an um tawn. Hihi minung kip nih ton mi asi i, a bik in Kannih Laimi caah cun Pa nih ton deuh mi asi. Lainu pawl cu zeitluk tlangval an duhmi hna zong an chim ngam lo. Duhnak kongah cun Pa lengmang hi hmai asa pengmi kan si. Pa zongah kan duhmi pawl kha duhnak bia chim colh angamh lomi tampi um tawn asi.Tulio cu i, lenkai timi a um ti lo i, zeibia paoh facebook hmangin i chimh le i ruah dih a si cang.

Nungak hmanthlak kan zoh hna i, kan uar deuh mi hna cu kan chawnh tawn hna. Nu zong nih chawnh tawn asi ve. Aaa mah nu or mah pa cu kan i chawnh ning zoh tikah a ka uar pah ve ko rua, Duhnak bia chimning law zeitindah aka leh hnga tiah a ruatmi tampi kan um hna.Asinain i ruah len dingmi asi ti lai lo. Zeicaah tiah na cakuat an lehning in khan duhnak bia chimh le chimh lo cu theih khawh asi. Hi zawn ah abiapi ngaingai mi thil pakhat tu ruah dingmi le theih hrimhrim ding a um.

Cucu a ka chawnh or a ka leh lengmang ve ko timi i chawnh sawhsawh le i leh sawhsawh lawng cun theih khawh asi lo. Cun abiachim a tha ngai e ti zongin theih khawh asi fawn lo.Aka uar pah ve ko, duhnak bia chimning law aka colhang kho lai maw timi theih khawhnak cu cakuat nan i leh a fum le a ran nih khan a ngeih. Ca na kuatmi hi an rel le rello theih khawh asi. Ka cakuat ahmuh caan le aka lehning caan hi zeitluk khan dah a si.

A ka leh atlai maw tlai lo timi cu theih khawh dih asi cu mu. Ca na kuat i, an leh a tlai ahcun hihi cu a thinlung ah ka um lo timi theih ding.Hi konghe pehtlaiin Relationship Psychologist Dr Max Blumberg nih hitihin a chim. Kan cakuat aa kan lehning aran hoih in an thinlung ah kan um maw timi hi theih khawh asi ko. Kanmah ah an thinlung a um maw um lo timi zong hi kan cakuat reply akan tuahning in thuukpi alanghter.

Aa ka uarpah ko timi cu kan cakuat riangrang in akan leh colh. Zeitluk an i manh lo zongah kan cakuat lehnak caan cu an tenh peng ko. Tahchunnak ah zingka kan kuatmi hna chun hrawngah akan letmi cu an thinlung ah kan um lo timi theih ding tiah a chim.

Be the first to comment

Leave a Reply

Your email address will not be published.


*