A VOI HNIHNAK DONALD TRUMP MIN AI TEL TTHAN CANG

US President Trump cu Noble Peace Prizes co aa tlak tiah a min an taar ve. Atu hi a voi 2nk a min an taar a si cang. Tukum ah an taarnak a ruang an ttialmi cu: Israel le United Arab Emirates karlak ah “peace deal” a tuah khawh caah an ti.2018 lio ahkhan North Korea he daihnak a ser khawh caah tiah a min an rak taar bal cang.

President hlun, Obama kha President rian aa awt thla khat bak ah Noble Peace Prizes an pek. A tuah te dingmi ruahchanhnak he an pek. Asinain, a von ttuan tak tikah, daihnak ser lei thawngpang um loin, buainak tu nih Vawleipi a khuh. Vawleipi khuaci a mui. A bik in ISIS pawl an pawt i kengkip ah bomb a puak.

Obama an pek ning he ka zoh tti tikah, President Trump hi daihnak laksawng pek a phu ko tiah ka ruah. Abik in Isis pawl a daihter khawhmi hna hrim hi a phu cang, ka ti. Vawlei cung ah Bomb puah thawng a dai deuh sup. Israel le Muslim Ram pawl karlak zong ah buainak thawng a reh deuh ngai fawn. Credit: Zasang Cinzah.

Relchih:Hakha Khua le CHIN ram tthancho ter a zuammi Pu Tial Ling hi kan ME (VOTE) pe cio u sih. Kan lai khua lipi Hakha khua le kan CHIN ram tthancho ter duhah 2020 Election ah a lut mi kan Pu/Pa pu Tial Ling hi Hakha mipi nih VOTE kan pek hrimhrim a herh. Tulio kanram thlihran zoh ah si seh, kan khualipi hakha boruak kan zoh tikah si seh, zeidah kan herh i zeitindah kan i thit hruai lai, zeitindah kan khualipi hi a than cho lai timi mitthlam in kan cuanh tikah a biapi bik cu leader ship) lei le management lei hi a si.

Leader hruaitu caah tutaan MP a cuh dingmi chung in kan zohtik hna ah an ttha dih cio ko nain , an (Quality) si seh an (personal story) kan zoh tik hna ah Pu Tial Lung hi kan Laimi chungin cun a tlak bak tiah hmuh a si. Interview an tuahnak i bia a chim mi hrimhrim in Lairam ca le kan Miphun caah a siaherh mi le kan chinram hi sersiam a hau cang timi a lungthin hmuh tikah hin, lung a hmui ko.

Cu lawnghlah Mipi he thlakhat thlahnih den ah hmuh tonnak kan ngei peng lai Mipi duh mi hi zeidah si timi kan zoh thiam lai hmei Nu hmei pa zawn kan ruat lai kanmah ca si loin MiPi caah rian kan ttuan lai tiah mipi theih in a chimmi hrimhrim nih pumpak in mitha milung thiang a si mi a langh ter khun. Saya Tial Ling hi a mah sining cu Media nih Interview an tuah nak ah a chim dih ko cang i theih dih a si ko cang.Saya Tial Ling cu hi bantuk minung hi a si.

A chim ning tein rian a tuan mi a si ,lih chim a thiam lo, mizawn a ruat, dawtnak a ngei, a nun a siang, mi thlei dan a hmang lo , fim thiamnak sang a ngei Miphun dawtnak le tleihchannak a ngei Laimi kan pale chungah bochan tlak taktak kan pa pakhat a si. A chungkhar Fale Eidin hnga kha khualtlung mi leng a pe mi a si. Hi bantuk PA kan Lairam nih kan i ngeih mi hi Pathian thluachuah a si. Tutaan ah a rian kaltak in Miphun le RAM caah ka fimnak le ka thiam nakin si seh ,ka ruahnak le ka thaazang hi kan khualipi Hakha le kan CHIN Miphun caah hmang ve cangning tiah zaduhthahnak he Election ah a luh hi kan lung a lawm taktak. Cucaah cun a zuamnak hmun Hakha khua le ka dang a zuamnak hmun paoh ah kan ME (VOTE) pe cio hna u sih. Credit.Lian Hei Ling

Be the first to comment

Leave a Reply

Your email address will not be published.


*