BIDEN ATANHTU AH DEGREE ANGEI NAIN AMOLH NGAI MI AN UM

Peng Hlawnceu:Tulio T a remlo i B a uartu cheukhat ah cawnnak degree a ngei tung i a molh ngaimi an um. Cawnnak ahhim thiamnak, hngalh kaunak le fimnak tiah phunthum a um. Cheukhat cu an cawn len i degree an lak luaimai nain a molh rihmi an um. Cu pawl nihcun keimah ka hngalhbik, ka thiambik tiah an i ruah sual tikah midang he bia an chim ah an cawnnak ri an tah hna. An zumhmi le pom cangmi kha Zong Z**g tlaih in an i tlaih.

Mi zapi khi zei teah an rel hnalo i an chimmi khi a dikbik le a hmanbik ah an i ruah. Mi nih zeitin an ka hmuh le ruah timi an tuaktan kholo. VAN khi a TUM tlang in anmah ta ah an ruah. Cu bantuk minung cu an zawtnak degree a sangtuk cangmi ansi tiah anti hna. Tahthimnak ah B an tanh mi khi a zeiruangah tiah hal sihna sehlaw an mit an i purh khomen. T an huatmi aruang hal thanhna sihlaw “a pumpak thangchiatnak le soiselnak” dah tilo US caah a tuahmi thil thalo an chimkho lailo. Cubantuk cu Van molh Tuk hlah tiding long an i tlak. Credit: Peng Hlawnceu

Van Tum cabia:Trump a ttanhtu, Laimi (Chinmi) chung in pastor rian kum 30, 40,50 a ttuan cangmi zong nan si ah, evangelists nan si ah, vawlei lei hruaitu nan si zongah bia cah kan duhmi hna cu vawlei lei cozah a simi (secular government) le Khrihfa buu (Church) hi an i uknak le i hruainak ah pehtlaihter lengmang ding a silo. Khrihfa buu i hruainak le i cawnpiaknak zongah cozah uknak le hruainak le policy he peh tlaihter tuk ding a si lo.

Bible nan rel tthan a hau lai i Bawi Zisuh i cawnpiaknak, thil tuahmi, le a nunnak pawl ttha tein nan zoh tthan a hau lai. A tak te cun, Bible nan i fiang lo tinak a si ko i, Pathian i a rianttuan ning le a tinhmi zong nan i fiang lo bia a si fawn. Nan duh ah, Ph.D le D.Min zong si ko uh, Trump le Republican party nan ttanhnak i Khrihfa biaknak le cawnpiaknak he nan peh tlaihter ning hi cu nan palh bak ko. Theologian le scholars cauk ttialmi zong tamdeuh in nan rel tthan a hau lai.

Stanley Hauerwas i a ttialmi Khrihfa buu (Church) kong cauk zong tampi in rak rel te uh law a ttha lai. Sualnak dohnak caah cozah le ram hruaitu hmang hna ding a si lo. Khrihfa biaknak dirkamhnak le kilvennak caah cozah le hruaitu hmang hna ding an si fawn lo. Trump ttanhtu pawl i nan ruahnak cu Khrihfa thathu pawl i ruahnak a si. Khrihfa mi nih cun sualnak vialte hi kanmah pumpak bak in kan doh awk a siko.

Khrihfa buu zongnih sualnak te bak kha a doh ding a si ko. Cozah a hman awk a si lo. Khrihfa i a rian, le a sullam le a tuah awk a simi nan i fiang lo. Ka manh deuh tikah ka ttial te lai ka timi kong cu, “Trump ttanhtu Khrihfa pawl nih sualnak dohdan an i palh/sualnak dohdan an thiam lo. Khrihfa biaknak dirkamh dan an thiam lo/kilven dan an thiam lo,” timi hi. Credit: Van Tum

Be the first to comment

Leave a Reply

Your email address will not be published.


*